Zomite i kidot phatding thu namthum
- 1) Zomiten tulaitak ikisap bang ahi hiam?
- 2) Zomiten tulaitak i lungulh bang ahi hiam?
- 3) Zomiten ikisap leh lunggulh pen bangci bangin bang hunciang kicing sakding i hiam?
Hong tung ding kiteelna Kawlgamite mailam thu tampi hong kilaih sak toto ding hi. Tua sung ah Zomite i kisap mahmah ahi khantohna lak pan khazai, mei leh tui te kicing tak i neih zaw na ding pen alo theilo i kisap mahmah nate ahi hi. Belpawl kiukna (federalism) tulaitak i kisap hi masalo hi ki ci thei hi. Bang hang hiam cih leh Zogam ah ei lam pha diak bang kiging sa in i om nailoh lam pen i budget hawmna pan mahmah zongin hong kilang sak mahmah hi.
Tukum November ni 8 ni kiteelpi pen Zomiten koi ci bang in i kisapnate lawhcing sak ding i hiam? cih pen thupi penpen khat ahi hi. 2008 thukhun pi lak ah Article 261 pen kilaih nailo ahih man in Zomiten ikisapnate alawhcin nang in gambup ahuam party i pom kul lai phot dinghi. Zogam tualsuak party ZCD leh CNLD in Zogam ah azo phial zong in Zogam kumpi pen gambup azo party mah in hong uk veve ding hi.
2015-2020 NLD kumpite ki cing tak lohna hang in mualtungmite mun ah amau minam party in zo mahmah ding in lam etna lian omhi. Tua banah NLD party in kumpi ding zo nawnlo ding a tua mun ah belpawl hong zon kul ding hi ci-in ngaih sutna tampi tak zong ki neih ciat hi.
NLD party i masuatzia ding tamkhat en khawl leng, Plan-A NLD in gambup zo in party dang kullo in kumpi sem kik ding hi. Plan-B NLD party bek lawhcing lo-in kumpi hong ding zo kei leh belpawl kiukna hong zong kul ding hi. Hih mun ah abeisa thu tampi en kik lehang, NLD in mualmite party te sangin galkap tawh kibelpawl in kumpi ding nuam zaw kha thei ding uh hi.
Gambup kilemnang hanciamnate ah NLD in mualmite tawh kilem nading sang in galkap tawh kilem ding hamciam zaw ahih lam zong kilang mahmah hi. 2015 NLD kumpi akahna ding in Galkapmang luipipa tawh bang ki thukimnateng bawl kha ding uh hiam cihzong a upmawh huai mahmah thukhat hi. USDP hunlai2010-2015 in NLD in agensiat mahmah hi. Ahihang tun NLD 2015-2020 ah USDP in tam gensia namlo uh hi.
Tukum November ni 8 ni gambup kiteelpi om ding ci-in gambupkiteeln vaipuak neiten hong tangkoh khit ten NLD kumpi lian pen gel zong dem kik ding cih leh kiteelna vaite zong kipan thei ta acih hang, 2015 hunlai in tua bang tek mah in USDP in tangko a, ahih hang, NLD party in kankuat hi. NLD party Plan A, B leh C neih kha ding uh hi. Ahi zongin, PLan A leh Plan B ciang tawh hong man lel thei ding ahih man in Zomiten i kisapte ei leh ei iki piak theih na ding in gmabup huam party mah tha i piak kullai ding hi cih ki teel mahmah hi.
I pahtuahna khat ahi pen in khuazui in MP ten et leh etloh nei cih zong kilinglawng khawl ahih manin eimau khua pen MP kah ding kilunggulh ciat hi. Tua hi leuleu leh Zogam ah kumpi in kiding zolo kha ding hi. Tua ahih man in gambup ahuam party tha pia in tua party sung MP ten hong deidan leh MP ten khawlsak kik theihna RIGHT TO RECALL (Article 396a) (Article 396b) cihtawh i amau mee kuanglui na ate mi 20% tawh ki khawlsak thei hi ci hi.
Tua tawh i MP te kikem kikhoi thei ding hi. Mipiten MP te PU in aneih mah bang in MP ten zong mipite PU a hong neih ding thupi mahmah hi. Tua ciang i Zogam khasiatna cihte hong bei pan ding in kilam en hi. Raymond
Comment piaknop aomleh...