Malaysia, Johor Baru ah mawtaw khatin Bicycle tuang khangno mi 8 taihlum in mi 8 liam

Malaysia, Johor Baru ah mawtaw khatin Bicycle tuang khangno mi 8 taihlum in mi 8 liam

Malaysia, Johor Baru sungah Saturday zingsanglam in Nissan mawtaw khatin setbing “bicycle” atuang khangno honkhat taihkhagawp ahih manin, mi 8 si a, adangzong mi 8 liam cih theStar pan kiza hi. Tua Nissan Almera mawtaw ahawlpen numeikhat hi a, kum 22 aphapan khat ahihi.

Johor Baru South OCPD palik ulian khat ii genkhiatna ah hih Accident apianna munah mi 6 sipah a, adang asi nihte pen Hospital Sultanah Aminah akipuak laitak in zato tungmanlo in lamkal ah asi uh cihi. Hih khangno tepen ahon in Bicycle tawh avakkhawm ngeingai uh hi a, mi 16 pha uhhi. Avek un akum uhpen kum 13 pan kum 17 gual vive ahi uhhi.

Tuahsiatna apianna munpen Johor Baru, Mahmoodiah Muslim Cemetery gei aom Jalan Lingkaran Dalam kici lampitung ah hi a, tuni (18 Feb) Saturday zingsang 3:30am hunpawl ahihi.

Police te’n kankhiatna panin amuhkhiat masakna ah hih khangnote pen Taman Pelangi panin Jalan Skudai lam zuanin Bicycle tawh apaikhop laitak un aki taihkha hiding cihi.

Kum 22 aphapan numei mawtaw hawlnu zong palik te’n manphot uh a, JBS Traffic Unit ah kem uhhi. Police te Checking bawlmasakna ah bangmah guihtheih khamtheih zanglo, zu khamlo ci uhhi.

Tua Driver nu ii genna ah hih Bicycle tawh ataihkhakte pen lampi laizang ah apai uh hi a, khua miallua ahih manin, kimulo aphutkhak ci’n genkhia hi.

Police thunei te genna ah hihvengkiim tengah khangno te ahonhon in Bicyle tawh vakkhawm ngeingai thei uh cihi. Khatveivei mi 30, 40 cihbang phathei uh cihi.

Car rams into cycling teens, eight dead

Zankim khuazat mahmah khawngciangin hibangdan in avakkhiathei tepen Johor Baru Selatan (JBS) te’nzong Traffic Rule thukhun tawh kituaklo ahih manin, mantheizel uhhi. Tukumsung bekbek inzong JBS te’n Operation (Operasi) bang bawlkhin uh a, Bicycle zong 17 bang ki matsakkhin cih kiza hi. ZD Sawltak #zomidaily

Thuthak tuamtuam natheihnop leh Zomi Daily Page fk.com/ZomiDaily ah Like napia inla, Follow namek khitciang “See First” acihpen namek ve lawm…..