Malaysia gamsung Klang veng aom innkhat panin tuni 21 August (Sunday) ni in apuakkham khat om in nupi khat liamgawp cih theSun Daily pan kiza hi. Selangor Fire and Rescue Department te genkhiatna ah tua apuakkham pen anhuanna Gas bung pan hidinghi ci uhhi.
Selangor Fire and Rescue Department te genkhiatna ah tuni zingsang 6:30am hunin Klang veng ah apuakkham khat om cih hongki zasak a, Sungai Pinang Fire Station panin meiphel mawtaw khatleh meiphelhding Fire Fighter mi 7 in kadelhpah uh ci’n genkhia hi.
Hih apuakkhapna munpen Taman Saga, Meru sung aom inn dawlnih aneu in akilam Double-storey Terrace House tepawl hi a, tuasungpan apuakkham cihi. Aliam pen nupi khat hi a, apumpi tung meikatna huaisia mahmah ci uhhi.
Statement aki khahkhiatna ah apuakkham simloh meikang meikuang cihbang omlo cihi. Ahi zongin apuakkham hangin innpen 90% bang siacipgawp a, innnuai anhuanbup pan akipan inntung kahlei dong siacipgawp cihi.
Bangzah in apuakkham thakhauh hiam cihleh inntungkhuh nangawn lengkhiagawp ciliang hi. Aliamnu zongpen apumpi ii 80% bang meikanggawp ahih manin, Tengku Ampuan Rahimah Hospital ah kipuaksuak pahhi.
Hih innsungpan Gas bung puakkhampen thakhauh phadiak a, aveng te inn 5 zong siacipgawp ciliang hi. Inntek nupinu pen limliam mahmah a, ahi zongin apasal leh atate 3 pen bangmah liamluatna omlo bilbel hi.
Thunei te’n bangcibang in puakkham cih athu kancianding uh cih kiza hi. ZD Sawltak #zomidaily
Related posts: Malaysia Selayang – Kepong lamzikpi tungah palik te’n mi 2 kaplum
Hih website ah Article & News 5919 valkhin hi. Suahsaknop aomleh [email protected] ah kipuak theiden hi.
Comment piaknop aomleh...