ISIS te in Damascus aom Refugee Camp ii 90% ukcipta

ISIS te in Damascus aom Refugee Camp ii 90% ukcipta

ISIS te in Damascus khuapualam aom Palestinian Refugee Camp ii 90% ukcipta ahih manin ki patau mahmah cih Reuters News pan kiza hi. Hih Refugee Camp ah cimawh dongtuak mi 18,000 valbang agiahphualna hi a, IS te khutnuai tungleh tua cimawh genthei te ii mailam hunding lunghimawhhuai mahmah dinghi.

Hih vai hangin UN (United Nations) thunei ulian tezong lunghimawh mahmah uh a, tua Refugee Camp sung aom Syria leh Palestine gam mite ii bitnading patau mahmah uhhi.

U.N. Relief and Works Agency (UNRWA) spokesman Chris Gunness ii genkhiatna ah hih Refugee Camp kepbit nading in International Community in mawhpuak nei hi. Khahsuah loding hihang ci’n genkhia hi.

“The Syrian Observatory for Human Rights” kici te ii genkhiatna ah Saturday ni in hih Refugee Camp tungah Syrian Air Force te’n Jet vanleng tawh Bomb khiatsuk uhhi cimawk hi.

Damascus khuapen nidang tangtawng hunlaipek in Christian te hongki bawlsiatna mun minthang mahmahkhat hi a, tudong in tua munteng ah Christian te hongki bawlsiasia laimawk hi. Hih cimawh genthei dongtuak te kikepna Refugee Camp zong bangciciang tungding cih ki lunghimawh mahmah hi. ZD Sawltak

Hih atung a limpen tulaitak Internet Social Media tungah akizel a lipkhap huai khiamahmah khat ahihi. Kenya gam aom University of Garissa pan sangnaupang te aki thahlupna kici a, akaplum tepen Shebab Islamists te ahi uhhi. Akaplup uh avekpi akigawm 148 ahihi. Damascus khuapualam aom mi 18,000 val aki kepna Refugee Camp zong IS te khutnuai hongtungleh dahhuailua mahmah dinghi.