Malaysia gambup ah inn asangpen dawl 106 aphading khat maikum sungah kizoding

Malaysia gambup ah inn asangpen dawl 106 aphading khat maikum sungah kizoding

Malaysia gamsung ah aomsa Building khempeuhteng sangin asangzawding innkhat aki lamsan laitak ahi, tua Building pen “The Exchange 106” kici hi. Tua “The Exchange 106” kici Skyscraper innsangpi pen maikum 2018 kumsung in mansiang tading cih NST pan kiza hi.

Hih Skyscraper pen Kuala Lumpur khuasung aom “Tun Razak Exchange” kici Financial & Business District sungpanin hongki lamkhia ahihi.

Malaysia gamsung tulaitak inn asangpenpen in aki ciamtehpen Petronas Twin Towers mah hilai hi. Tua Petronas Twin Towers ii asangna pen Meter 451.9 hi a, Pi tawh tuatleng Pi 1482 ahihi.

Aki lamsan laitak ahi “The Exchange 106” pen amansiang ciangin asanna Meter 492.3 hiding a, Pi tawh tuatleng Pi 1615 tak ahihi. Tua ahih manin Malaysia gamsung ah asangpenpen Skyscraper “Malaysia tallest building” ci’n akigengen ahihi.

Video: Malaysia tallest building: The Exchange 106

Malaysia gamsung ah asangpenpen bekthamlo, Southeast Asia gamsung ahzong asangpen hiding cihi. Tuaban ah leitungbup inn asangpenpen Top 15 tallest lakahzong khatin kihelding hi.

Tulaitak zong leilak panin vandawn ah asanna Meter 450 phakhinta a, asawtlo in Petronas Twin Tower pen akhengvalding hita hi.

Leisung leinuai ah Basement bekbekzong Level 8 tak ki tosuk hi. Amansiang ciangin leilak panin vandawn ah inndawl bekbek akigawm in 106 phading ahih manin, hih Skyscraper ii aminzong “The Exchange 106” ci’n akipia ahihi.

Related: Dubai khuapi aom Skyscraper innsangpi meikang

Hih Skyscraper innsangpi pen Mulia Group te ii lamkhiat hi a, 29 April 2016 in akipatkhiat uh ahihi. Maikum 2018 Third Quarter (July – September) sungin mansiangding in geelna nei uhhi. (Nidang in Myanmar gamah taihinn akilam ciangin Foundation kumtampipi guahlak ah diahcipleng todiak kici a, pawlkhatte’n Foundation bek bawlin, diahcipsuak khaliang uhhi) Sawltak #zomidaily