Zanni February 21 Saturday ni in United Arab Emirates gam, Dubai khuapisung aom Skyscraper innsangpi meikang in mipi ki patau man mahmah cih BBC pan kiza hi. Mei akat laitak huihtawh kithuah ahih manin, kuangzaizai a, hih innsangpi sung aom mite lampi tungah pusuak in ki linglawng mahmah hi.
Nai 3 sungbang meikuang ziahziah a, ki phelsiangzo paklo hi. Ahi zongin mi asi khatzong kizalo bilbel hi. Inndawl tampitak kilawhto ahih manin, vomto mengmang a, nisuahma in ki siansuahpah ngeingai hi. Dubai gam ii akipakpih mahmah Iconic Torch Skyscraper pen mikhu leh belmang tawh kidim zihziah hi.
Hih Skyscraper innsangpi pen “Marina Torch” ahih keileh “Dubai Torch Tower” cih inzong kithei a, 2011 kumin leitung ah inn asang penpen in aki ciamteh “the tallest residential building in the world” ahihi. 2011 kumkhitzawh gamtuamtuam ah innsangpipi hongki lambehbeh a, hongki demtoto uh hileh kilawm hi.
Ahi zongin hih Dubai Torch Tower pen leitung ah miteenna Residential Buildings khempeuh lakpan asangpenpen ci’n ki ciamtehlai veve hi.
Raw: Massive Fire at Dubai Skyscraper
Asanna pen pi 1103 hi a, leilak pan atunglam ah dawl 79 phato in akilam ahihi.
Hih innkatna ahang akician in ki zakbeh nailo hi. ZD Sawltak
Marina Torch ahih keileh Dubai Torch, Dubai Torch Tower akici innsangpi
Comment piaknop aomleh...