Thuthak Tomkimcing 13 Aug 2014

A. TYF makaih natawh TBA hall ah MP tetawh kimuh na omding.

Hongtung ding 16 Aug 2014 TBA hall ah Nitak daak 1:00pm pan kipan TYF
makaih natawh Zomi MP tengtawh kimuhna omding TYF pan EC teng leh
Khangno alunglut te kihel thei ding cih inn lamvai thu tuamtuam Tedim
Chating pan in kingah hi. Ngaihsut huai thu ah Federal ki ukna om
zenzen leh koici ding ihiam cih Khangno thuthei te lung himawhna zong
om cih kiza hi.

B. Ebola hang in 1069 pham’ ninih sung in 56 si.

AIDS sang in alau huai zawl vunpol zatvai hang in mi 1056 in sih lawh
khin zo ahihi. Akilawh na mun te ah manlang lua ahih man in zatui
zahaa in dal manlo thei ah 13 Aug ciang in ninih sung in 56 in sih
lawh uh hi.

C. Siamsin sangnaupang 53 apua gunkuang kibungh .

Irrawady gam huamsung Dahnuhphyu myonee Sakaakyi khua ah Tansawm
siamsin 53 apua gun kuang khat Aug 12 ni kibungh hi. Siamsin kum 12
khat pen khuaphawklo in zato tung cih kiza hi. Gun kuang hawlpa Palik
ten man uh cihi.

D. Kha 9 sung in Tali nei.

Sarah kici nupi khat in ata masa asuah khit teh Nau nei pah seisai a,
ata masa khakua aphak teh nau suak kik in apeeng hi sawnsawn a unau 3
pha hi. Hih Naupeeng tengthum tawh Sarah in kha kua sung in tali nei
man ahihi. Amun, akhua agam Sia vuan ten gen khin nuamlo hi. Nupa pawl
khat zong khat sung in ta nih nei man thei thei hi. Nau suah Jannuary
kha ahih leh December kha bei ma in nau nei kik seisai Nupa ki om
thei hi.

Hau Thang