Tulaai Leitung Thuthang Tuamtuam te Updates (Dec 21)

Tulaai Leitung Thuthang Tuamtuam te Updates (Dec 21)

UN In Israel Khuapi ding Jerusalem Nial san
Tunung deuh in Israel khuapi ding in Jerusalem US President Donald Trump in akisakna tawh kisai in thukimpihloh ding cihtawh kisai December 21, 2017 ni in UN in mee tangtawh thukimna la uha, gam 128 in thukimpihlohding hoihsa in gam 35 in mee khiaselo uha, gam 9 in hoihmah hi ci in thalnial uh ahihman in Pu Trump geelna peen kipaampaih phot tadih hi. US leh Israel ten UN hibang in hibang in akhentat hang in inn katun uhciang Sava civeve tawng cihsan uhhi. BBC

South Korea gam ah Inn kaang

South Korea gam Jecheon khuapi sung a om Kimawlna leh neek le dawnna tuamtuam kizuakna innpi dawl 8 khat December 21, 2017 ni in meikang a meiphelh mi-60 in nasiatak in phelh himah leh phelhzopaklo uh ahihman in mi 29 si in tamsimsim akangbang in zatolam kipuak hi.BBC

Philippine gam ah Tembaw kibung

Philippine gam Polilo tuikulh kiang ah mi 251 apua tembaw khat December 21, 2017 ni in huihpi tuak ahihman in kibung a, akiim apaam aom ngasabeng te in mi 200 nahonkhia man in adang mi-4 asisa in kimu a adangteng kimuzonailo hi.BBC

Australia ah misok te suamna om

Australia gam I khuapi lian nihna ahi Melbourne khuapi ah Australia gammi asuakkhin sa Afghanistan gampan a lal mi-2 in SUV motor khualai mipilak ah hawlgawp ahihman in pawlkhat liam a naupangno khat alu naakliam deuh hi. Hih mi te peen zatui kham lungsim manphalo in kigen a ahizong in misok te sawldan in palik ten gen uhhi. Tukum sung Melbourne khuapi in nihei hibang athuakna hita hi.BBC

Video: UN votes to condemn Trump’s Jerusalem decision

Kawlgam thu akan UN Nasawn Yanghee Lee Kawlgam kiluutsaklo

Kawlgam a mihing kisimmawhna lam sang encik ahi UN Palaai Yanghee Lee peen Kala lam bekbek langleek in angvan a adangte neelgawi kinken ahihman in Kawlgam thuneiten kawlgam aluuthei nawnlo ding in a Visa khaktansak ziau uhhi. Kawlgam kumpi lamte genna ah UN tawh khut kilen in nasepding lunggulh ung ahizing in langleeklo a thumantawh thu akanngamding midik deihbek ung cihsan uhhi. Azom in Rakhaing gampan taaikeek Kala te sapkik nading in India in $25million huhding ci in December 21, 2017 ni in taangkokhia uhhi.BBC Thang Khawm Pau