Thupha bawlnate lamet pahloh ametna

Thupha bawlnate lamet pahloh ametna

Tu-ma kum 150 lai-in England gamah Scotish migenthei khat ii’ inn mai-ah guah tamlua ahihmanin buannawi lakah sakol leeng khat a awk hi. Guahzu pi mahin migentheipa hong pusuakin a va panpih hi. Sakolleeng neipa zong lungdam mahmahin, lungdamkohna a piakleh a sang nuam kei hi.

Tua sakolleeng neipa pen mimawkmawk na hilo-a, Lord Randolph Churchill, British Stateman (1849-1895) ahi hi. A va panpih Scotish migentheipa in laisiam mahmah tapa khat nei-a, ahizongin sang ginatakin a kah sak zo kei hi.

Tua pen Lord Randolph Churchill in a leeng sawnpih lungdam mahmah ahihmanin, vaakin sang hoih ah a kah sak hi. Science Subject sinin, M.B.B.S zo a, leitungbupah a kithei tham, Penisillin bawl theipa Dr. Fleming Sir Alexander (1881-1955) ahi ta hi.

St.Mary’s Hospitalah a sep sung 1928 in, Penicilline a bawl thei hi. Hih teng bek hilo-in hih mi nihte kipanpihna tawh thupha piangte en lai leng:-

Lord Randolph’ tapa pen galkap sungah natna lauhuai mahmah, sihpih natna, (Pneumonia) a vei’ laitakin tua a zatui muhthak peniciline tawh a dam sak hi. Tua a dam’sak tangval pa pen leitungbupa mi minthang, Galpi nihna lai-a, England kumpinu gualzawhna a tunpa, Sir Winston Churchill (1874-1955) ahi hi. Kiteelna nihveina, (1940-45… 1951-55) sung, England kumpi (Prime Minister) a sem hi. Migentheite-innkuankhat in kumpigam khat honkhia hi a kici thei ding hi.

Cihta’k na sak kholloh na thupha bawlna khat na innkuan’ aading leh na minam, na gam aadingin suahtakna lianpi hong suak kha thei ding hi. Tdkhen