Malaysia, Cyberjaya ah Operasi lutin gamdangmi 133 kiman

Malaysia, Cyberjaya ah Operasi lutin gamdangmi 133 kiman

Malaysia, Cyberjaya sungteng ah Operasi lutin gamdangmi 133 tak kimankhia cih NST pan kiza hi. Selangor Immigration Department te makaihna tawh lametloh in zingsang 00:30am (zankim khitdeuh) hunpawl in Operasi alutvat ahihi.

Cyberjaya kuamsungteng aom Construction Sites te ah naseptheihna Work Permit kician aneilo gamdangmi “illegal immigrants” tampi om cih thu kiza ahih manin, Operasi akibawl cihi.

Tua akiman gamdangmi nasem mi 133 te lakah mi 88 tepen naseptheih nadingin Work Permit bangmah tawi neivetlo uh cihi. Adang mi 39 te ahihleh Visit Pass neisam uh a, ahi zongin ani beikhin “Expired” vive tawi uh cihi.

Adang gamdangmi 6 tepen Social Tour Pass (PLKS) tawi uh a, ahi zongin tuatepen atuh “Counterfeit” vive cisawnsawn hi.

Cyberjaya kuamsung aom nasemte omna Kongsi House tengah Operasi alut hi a, gamdangmi akigawm in mi 384 thusitna nei uhhi.

Tualak ah Immigration Act tawh akituaklo mi 133 te aki mankhia ahihi ci’n State Immigration Department director Omran Omar in genkhia hi.

Akiman te lakah mi 107 tepen Indonesia gammi hi a, tualak ah Indonesia gammi numei 40 leh naupang 2 zong kihel uhhi.

Tuaban ah aki mante lakah Bangladesh gammi 13, Myanmar gammi 7, Pakistan gammi 6 zong kihel uhhi. Naupang mat athuak tepen kum 2 leh kum 4 kikal ci uh a, akiman veve lakah hehpihhuai phadiak hi. Adang te ahihleh kum 14 panin kum 61 kikal ahi uhhi.

Related: Malaysia, Nilai ah Operasi nasiatak kibawl in gamdangmi 350 kimankhia

“Section 6 (1)(c), Section 15 (1)(c), and Section 56 (1)(1) of the Immigration Act” thukhun tawh kizui in hih gamdangmi “illegal immigrants” teng thu kibawlding hi ci’n State Immigration Department Director in genkhia hi. Operasi thuthang omnawnlo ihcih kawmkal ah hongki patkikzel hi. Sawltak #zomidaily