Malaysia, Nilai ah Operasi nasiatak kibawl in gamdangmi 350 kimankhia
Malaysia gamsung Nilai 3, Negri Sembilan sungteng aom Shop Lots te ah zanni in kumpi thunei “Federal Special Branch Counter-Terrorism Division (SBCT-D)” te’n Operasi nasiatak in bawl uh a, gamdangmi akigawm in mi 350 mankhia uh cih NST pan kiza hi.
Hih akiman gamdangmi te lakah IS migilo “Islamic State of Khorasan Province (ISKP) organisation” tetawh akizom omhiding in ki ummawh cihi. IS migilo tetawh akizom Branch khat ahi ISKP akici kipawlna ii Member te pawlkhat Malaysia gamsung ah honglut in busimding in ki ummawh hi.
ISKP kici “Islamic State of Khorasan Province” tepen Afghanistan leh Pakistan gamgi tengah agamtang migilo te ahi uhhi.
Kumpi thunei kipawlna tuamtuam panin Saturday nitaklam 3pm hunpan kipan in nai 3 sung Operasi nasiatak in bawl uhhi. Tua hunsung in vanzuakna Shop Lots bekbek akigawm in 742 sitman uh cihi.
Hihbang in Operasi nasiatak in abawltheih nadingin kumpi ulian Enforcement Agencies tuamtuampan mi 321 kihel uh cihi. Tua tepen General Operations Force, Traffic division, Federal Reserve Unit, Forensics, K9 unit, Special Action (UTK), Bomb Disposal units, Civil Defence Force, Atomic energy Licensing Board (AELB) cihbang in Enforcement Agencies tuamtuampan ahi uhhi.
Video: 350 foreigners picked up in joint operation at Nilai 3
SBCT-D principal assistant director Datuk Ayob Khan Mydin Pitchay in agenkhiatna ah hih Operasi pen abeisa August 06 ni in Kuala Lumpur khuasung Masjid India vengsung tengah akibawl panin aki zomsuaksuak ahihi ci’n genkhia hi.
Tuahunlai in Masjid India vengsungteng abuluh uhciangin tuasung aom ISKP migilo tepen Masjid India panin Nilai 3 khua ah kituah uh cih thu kiza cihi.
Tutung akimankhia mi 350 te lakah IS Members honkhat kihel taktakding in lamen uhhi. Tua akiman te lakah Pakistan, Afghanistan, Bangladesh, Nepal cihbang in gamtuamtuam panin gamdangmi honkhat amatkhiat uh ahihi.
Related: Jalan Masjid India vengsung ah Operasi nasiatak kibawl in mi 409 kiman
Amatkhiat khempeuh uh avek in Sepang District Police Headquarters ah kipuakphot a, tualai ah Screening bawlin thusitcianna kineiding hi. Tua thusitna ah leitungbup palik te kipawlna INTERPOL Foreign Fighters Terrorist List tawh etkak in, tuabek thamlo Counter Terrorist List cihte tawhzong amin aki helkha aomhiam ci’n thusitna kineiding cihi. Tutung Operasi ah Kawlgammi akiman kigen khalo hi. Sawltak #zomidaily
Comment piaknop aomleh...