Malaysia Ampang Hospital mai ah mihon 80 bang kitawng in buaigawp

Malaysia Ampang Hospital mai ah mihon 80 bang kitawng in buaigawp

Malaysia Ampang Hospital mai ah Monday zingsanglam in mikitawng honkhat om ahih manin, tualak pan mi 2 palik te’n man cih theStar pan kiza hi. “May Day Brawl” ci’n Public Holiday tawh kituak in zankim in buaina apiang ahihi.

Ampang Jaya OCPD Asst Comm Hamzah Alias in agenkhiatna ah tua vengsung ah Police Officers 4 akileh kawikawi laitak in mi 80 bang kitawng in kilaigawp uh cihi. Police te’n amuh uhciang in zingsang 3:15am hun hita a, akitawng mipi teng akikhen nading un thu kipia cihi.

Ahi zongin tua akitawng mihon te’n palik te thupiak mangnuamlo uh a, Motorcycle Helmets lukhu te hiamin zangin kisatgawp uhhi.

Hih mihon kitotna pen agalkhat panin Video Record akibawlkha khat Online Social Media tungah ki khahkhia hi. Tua Video sungah pasal 2 pen Motorcycle tawh taikhiatsawm uh a, ahi zongin mihon te’n khakcip, lencip in kidelh ngeingai uhhi.

Video etnopleh anuai ah… Police arrest two over Ampang May Day brawl

Hih mihon te lakah temta namsau atawi mi 2 palik te’n mankhia uhhi. Tua namsau atawite pen taisimsawm uh a, ahi zongin palik te’n manin ahiamtawi te uhzong kepsak uhhhi.

Hih mihon akitawngte pen athu banghang cihpen ki theician nailo a, ahi zongin “Section 6(1) of the Corrosive and Explosive Substances and Offensive Weapons Act 1958” cih thukhun tawh kizui in palik te’n thubawl uh cih kiza hi.

Related: Asinuam numei khat luisung atuahleh thaulua ahih manin tuisung ah tumtheilo

Video sungah ih muhtheih mahbangin Malaysia gamsung pen lauhuai mahmah hi. Lungkimlohna nei le uh zahtak neilo in, ahonhon in ki tomgawpthei uhhi. A uk kumpi omlo, palik omlo bangin utbang in ahonhon in gamtathei uh ahih manin, tuate lakah ihki helkhaklohding thupi hi. Tuate tawh ihki galneih khaklohding thupi dinghi. ZD Sawltak #zomidaily