REFUGEE TE ACIAHKHIA DINGIN THAGUM TAWH KISAWLLODING CI’N MALAYSIAN FOREIGN MINISTER IN GENKHIA
Malaysia kumpi in agamsung aomsa Myanmar Refugee gambelte pen zawhthawh thutawh agamah aciahkik dingin hawlkhialoding hi ci’n Malaysia Foreign Minister Datuk Seri Saifuddin Abdullah in genkhia hi. Ataktak in Malaysia gampen United Nations 1951 Refugee Convention ah thukimna letmat athuhlo gamkhat himahleh Myanmar Refugee tepen agamah aciahkik dingin thagumtawh kisawlloding cihi.
Malaysia gampen aki thukhual sakmahmah gamkhat ahihi. 1951 Refugee Convention ah thukimna letmat kithuhlo “Signatory Country” kihilo himahleh letmat athuhte mahbangin ki thukhual in ki gamta hi ci’n genbeh hi.
Hihvai pen Foreign Minister pa’n Wisma Putra ah Press Conference akibawl laitak in agenkhiat hi a, Myanmar Chin Refugee Community tepen 2019 kumbei ciangin Refugee in ki ciamteh nawnloding, UNHCR in hukbitna dalna “Protection” pianawnloding cihvaitawh kisai in thukidotna panin Foreign Minister in agenkhiat, adawnkikna ahihi.
UNHCR in 2019 kumbei ciangin Chin Community sung aom Refugee te buaipih nawnloding cih tangko uhhi. Tuavai hangin alungkham, asinkham leh aki sihbawl zahdongin thusia tampi kizakhin hi. Abeisa kalsung in R.AGE te’n Chin Community sungah UN vai hangin lungkiat natna Depression angah khanghanhan in, amauleh amau aki sihbawl Suicide zong tampi omkhin hi ci’n Exclusive Report kiciantak in pulakkhia uhhi.
Foreign Minister in agenbehna ah Chin Refugee tepen kumsawmval hihgamsung ah ki omsak khinta hi. Malaysian Government pen thukhual in mi hehpihna anei ahih mahbangin Myanmar Chin Community te bitna leh lungmuanna aomnading in ki vaihawmsak hi. Malaysia gampen Refugee te omsuak nopna “Final destination country” ahihloh zenzen hangin hihgamsung ah aomtheih nadingin ki vaihawmsak hi.
Myanmar Chin Community tepen hawlkhiatding geelna aomloh hangin, Refugee tampitak hih gamsung ah aomtheih nading kicingtaklo hi cihzong genkhia hi.
Abeisa tukum June 13 ni in Community Lianson Unit (CLU) te makaihna tawh Malaysia UNHCR huangpisung aom New Building Conference Room ah Meeting kinei hi. Tua Meeting pen “Chin Community Based Organizations (CBOs)” ci’n Chin State huamsung aom kipawlna tuamtuam ahi ZAM, ZRC, CRC, ACR, FRO, DAI cihte leh Fellowship makai, Pawlpi makai, Khua makai cihtebek atuamngiat in akisam ahihi.
Myanmar gampan in Refugee gambel in aom minamdang Myanmar Ethnic Group tuamtuamzong tampi om himahleh, Chin State huamsung aom kipawlna tengbek atuam vilvel in UNHCR te’n Meeting asap uh ahih manin, bangthu om hidinghiam ci’n ki lunghimawh mahmah a, Chin State huamsung pan gambel Refugee khempeuh pen 31 December 2019 ciangbek UN Card tawikhuan kipiading a, tuakhitzawh UN Card tawikhuan omnawnloding, Renew ki bawlthei nawnloding cihthu kigenkhia takpimawk hi.
Hihpen Chin State huamsungpan mikhempeuh 31 December 2019 ciangbek Refugee in ki ciamteh laiding, tuakhitzawh Refugee in kiciamteh nawnloding cihna ahihi. Hihpen Chin State Refugee khempeuh tawh kisai ci uh a, tuni akipan 2019 kumbeidong Myanmar gamsung ciahkiknading in ahun kha 18 sung hongki piahi ci’n pulakkhia uhhi.
Abeisa in aki buaipih mahmah 2013 Card tawite, 2013 kumma Card tawite cihbang in kikhenna bangmah omtuam nawnloding a, ahi zongin Card Renew khempeuh anunung penpen 31 December 2019 ciangbek Card Renew kibawlsakding cihi.
31 December 2019 khitzawh UNHCR zumpi in Chin State pan Refugee tepen buaipih nawnloding, tavuan lanawn loding, amautawh kisaina omsak nawnloding citamawk hi.
Tua ahih manin 31 December 2019 khitzawh UN Card tawikhuan aomnawnloh banah Chin State Refugee tetawh kisai in zato vai, sangvai, kimat kihenvai khempeuh UNHCR tawh kisaina bangmah omnawnlodingci uhhi. #zomidaily
PHONE NUMBER UPDATE BAWL HAMTANG IN
Na phone mang/sia ahih leh a manlang theithei in UNHCR zum ah update bawl hamtangin. Tulaitak in RST kisamsam bek thamloin RSC/OPE leh Innkuan lutpih ding a ngak pawl khat zong kisamsam ta ahih manin na phone No. te mang/sia ahih zenzen leh aman lang theithei in na theih sak ding thupi mahmah hi.
UNHCR zum ah phone No. puak dan ding
Phone No. (alui) Space 791-09C++++ Space 791-001+++ Space Phone No. (Athak) hih teng khen in Phone No. 011 17225 222 ah sms khak ding.
UNHCR PAN RST KINAWH SAP
UNHCR zum pan in RST kinawh sap mahmah ta hi. Tua tawh kizui in contact ngahlo zong tam mahmah ahihmanin ih phone te hoih tak kemcingin hong kisap hun ah dawn pah theih dingin kiging ciatni. RST interview ah hong kisap ma-in Kipawlna zum ah ahi zongin a dang zum vai a thei ding te khat peuhpeuh kiangah hoih tak kikuppih masa hamtangin.UN khuahun tawh kizui in ih vai te khat vei hong kipelh leh lametna tampi hong om nawnlo pah thei ding ahih manin hoih takin kiging ciat ni.
ZAKSAKNA
UNHCR zum pan in Option (1) leh (2) hang in lungsim gimsak lua in ih om khak loh ding leh nang tel ding na khentatsa thukhat pen hong kitelsak hun hong tun taktak ciangin bangbang thu hong kigen zongin nang khen tatna omsa bangin/na kizawhnasa bangin telsuak sawm in. Interview na phi dingciangin hoihtak kiging khol in. A zenzenin na UN hong kilaksak leh zong lunggim khakun in omcip pah kei inla na card number te hoihtak ciamteh in kemcingin. Khua hun cih pen kikhel thei a, na khem peuh Pasian in lumlet thei hi cih phawk gige zaw in.
UNHCR pan appeal hong at sak ciangin zong at in va puakkik hamtang zaw ni. Hih ih puakkik hamtangna tung tawn in ei ading sup zawkna zong omlo zaw a, ih puakkik loh ciangin ei leh ei mahmah in UN tawh kizopna a khawl sak kisuak hi.
WELCOME TO ZAM
Kawlgam, Vaigam, tuipigal leh gam tuamtuam pan Malaysia ah hong zin Zomi makai te’n Zomi zumpi ahi Zomi Association of Malaysia(ZAM) ah nong hawh/phak hamtang nading un itna lianpi tawh kong zawn uh hi.
THUNGEN KHAWM DING HONG ZAWN UNG
Hongtungding 15-09-2018(Saturday)ni 11am akipan ZOMI’ TANGMI THUNGET PAWL te makaihna tawh Zomibup a ding thungetna om ding ahih manin, a gamla a nai cih omlo thungetna ah nong kihel kimciat nadingun zahtakna lianpi tawh kong zawn uh hi. A diakdiakin tulaitak Malaysia gambel te dinmun adingin nakpi takin thungetna kinei ding hi. Lungsim kipumkhatin ih thunget khopna in nalianpi hong piangsak ding cih ih lam en hi. Contact person: Siamah Ciin Ph. No.: +60182688752
ZOMI OWN TUNE LA KIDEMNA OM DING
Kumsim in neih zel mah bangmah in ZCF-Bethany te makaih na tawh Zomi Own Tune la kidemna om ding hi. A lut nuam te in a nunung pen December 5, 2018 ni ciang min sazian kipia thei bek ding hi. Lut man pen RM 120 hi ding a, Sound Track tawh kidem ding kiphal lo hi. Band a nei te in a mau band tawh kidem pah thei ding hi.
MyRC CARD KILA THEI
September 05, 2018 ni ciang MyRC card bawl te in na card te uh a zum ah kilathei ta ding hi. MyRC bawlna receipt leh ZAM card tawh zum hon hun sungin kithoh thei ding hi.
ZAM ZUM AH HONG HAWH
Zomi Baptist Churches of America (ZBCA) Lutangpi Rev. Dr. Tun Cin Kap in Malaysia gam a om Zomi te aveina tawh Malaysia gam hong zin sungin ZAM zum ah hong hawh in Malaysia Zomi te dinmun leh vai tuamtuam te ho limna kinei thei hi. Tua ban ah Zomi Baptist Churches of America (ZBCA) min tawh ZAM zum nasemte leh thu dotpi teng sun ann kuang umkhopna hong neihpih lai a, kilungdam mahmah hi. Mailam maban om lai khem peuh ah Topa’n hong gualzawh pih tahen.
ACTS KIKHAK DING
Hong tung ding November 6, 2018 (Tuesday) ni ACTS clinic kikhak ding hi.
NASEP LAM TAWH KISAI
ZOMI nasep neilote in nasep tawh kisai dotnop na neiuh leh Sia Khuppi— 016 3838 014, 011 3563 2059
TUKAL SUNG THONG LAM BUAIPIH
1. Kai Go Thang (Tauleng) Jinjang Lock up ah kibuaipih
2. Dim Khaw Vung (Tauleng) Jinjang Lock up ah kibuaipih hi.
3.Thang Lam Mung (Buanli) Termaloh Mahkahmah ah kibuaipih hi. Amah pen Bentong thongah kha (4) sung lut dingin khensatna kipia hi.
4.Van Lal Thuam Termaloh Mahkahmah ah kibuaipih hi.
5. Nang Dot Mang (Tuitanzang) Machang thongah kimuh pih.
6. Gin Lian Sang (Tuitanzang) Machang thongah kimu
7. Don Suan Man (Chanthagyi) Machang thong pan kikan sakin a body no. kikanpih
8. Lian Ngaih Cing (Zozang) Machang thong pan kikan sak in Body No. ki kanpih hi.
9. Lian Sian Kop (Leilum) Jalan Duta Mahkahmah ah kibuaipih hi.
10. Gin Khan Pau (Nahnuai) pen Kepong pan kiman in Jinjang lock up ah kibuaipih hi.
11. Thang Sian Mung (Zampi) Puchong IOI pan kiman in 02-11-2018 ni-in Sepang Mahkahmah pan Kajang thong lutsuak ding hi.
12. David Lam Mung (Limkhai) Dangwangi Lock up pan in kila khia
Thong leh Camp te ah a kisap hun ciangin kisapna tawh kizui in a hun hong pia khia in Thong leh Camp sunga om mipih te thungetsak in hong zui zelzel Sia Cin Bawk (KLAC Pawlpi) tungah zong lungdamna ih pulak hi.
Theihding,Operasi in,UN card tawi te zong man veve a hih man in,vaksuk,vaktohna ah kidawmsiam ciat ni.
KIMAT KIHEN NA TUAK LEH : Zomi te sungah kimat kihenna na tuak zenzen leh hih phone no. te ah na hopih pah in. Nang a dingin a kiging sa in om den ding uh hi. Sia Tuang Pu : 016 254 4093, Sia Go Mang : 018 202 1216
ZATO LAM TAWH KISAI :Zato lam tawh kisai-in vai khat naneih leh Contact :Sia Mungpi 018 3122 957
LUNGDAM KOHNA : ZAM zum leh nasepna te adingin mapan khopna hong piate tungah lungdamna lianpi kong pulak khia uhhi. Zomite itna veina taktawh ih zumpi a dingin hibangin mapang khawmin nong dinpihnate hang mah uh tawh tuni ciangdong a kikalsuan toto zo ahihi. Mailam ah zong apiakhiazo semsem dingin TOPA’N thupha hong pia henla, a zahtampi in hong thuk kik tahen.
1. Peter Mang Suan Khual (Tedim Suangpi) RM50
Comment piaknop aomleh...