ZAM Thupuak :: 09 Sep 19 (Pilvang takin omsawm ni)

KHUADO PAWI MUAKNA KIBAWL TABLE TENNIS KIDEMNA KIZO

Zomi Khuado pawi -2019 muakna in i bawl ahi Table Tennis kidemna pen September 02, 2019 (Monday) ni-in ZAM hall ah kibawl aa, mimal (15) kihel thei hi. Hih kidem na ah

• Champion – Lianno (Suangphei) in hong ngah in RM500 + Cup leh Medal kipia hi.
• First Runner Up – Lalpu (Cikha) in hong ngah in RM350 + Cup + Medal pahtawina mah kipia hi.
• Second Runner Up – Khampu (Darkhai) in hong ngaih in RM250 + Cup + Medal kipia hi.

Malaysia leitang tungah galtai in Zomi tampi I om aa, nasep na leh vai tuamtuam hangin lunggim lungzingin I om na panin khangno te zuu leh za tawh a hi zong a kidiah cip leh lungsim bei in a om cip tampi om a, tua te pan I noptuam na dingin in Pasian nasem te in Pasian thu tawh makaih in camp leh cialpi te bawl a, minam kipawlna te pan in zong kimawlna tuam tuam tawh khangno te lungsim a suakta leh a lambeh ding ngaihsutna, khat leh khat kimel theih in team work neih ding gimna te tawh kumsim in I ngeina pawipi te muakna in tukpeng kidemna, Table Tennis kidemna, Zomi Idol cih dan in kibawl den ahihi.

ZOMI IDOL TAWH KISAI PULAKNA : Malaysia ah Khuado pawi muakna in kumsim ih bawlden ahi ZOMI IDOL pen tukum zong kumdang bangmah in bawl ding ih hihmanin a lunglutte adingin kong suaksak kik uh hi. ZOMI IDOL tawh kisai a nuai a bang hiding hi.

• Lutman pen Rm 200 hi ding hi.
• Pahtawina tawh kisai in Winner a ngah pen Trophy leh RM2000 hiding aa, First Runner Up pen RM1500 , Second Runner Up pen RM 1000 hi ding hi. Music pen ZOMI IDOL COMMITTEE te in hong bawlsak ding hi.
• Idol kidem niding pen Top (10) kitelna 01 October, 2019 (Tuesday) hi ding aa, Top (5) pen 08 October, 2019(Tuesday) hi ding hi.
• A kidem nuam peuh mah 10 September, 2019 (Tuesday) ni ciang Form kisang ding hi .
• A kidem ding te leh ZOMI IDOL COMMITTEE te 17 September, 2019 ni ki muhkopna kinei ding hi.

ZOMI IDOL- 2019 LA DING TE

• (1) Thu hongkhen ding (Sa- Solomon Tuang)
• (2) Zomi na hi (Sa – Kamsen)
• (3) Lauken (Sa – Sia Deihlian)

ZOMI IDOL -2019 MALAYSIA tawh kisai a kitelzaw a theihbehnop a om leh COMMITTEE te tung ah ki dong thei hi.

• 1. Rev. Thawng Khan Sut – 016 6443 011
• 2. Rev. Gin Khan En – 017 3342 760
• 3. Pa Tha Piang – 016 2543 352
• 4. Sia Mungpi – 018 3122 957

Hihteng tungah theihnop bangbang kidong thei aa, min sazian zong kipia theipah hi.

ZOMI LEAGUE

Ih bawl ngei a om mah bangin Zomi League 2019 zong nopci tak in kibawl ding hi. Tukum Zomi League pen kuanpi kimawl loin Futsal kimawl ding in kikipsak hi. Zomi League 2019 ah Pawlpi min, Khua min leh Club min tuamtuam tawh zong kihel thei ding hi. Team khat ciangin mi (10) ciang kisang ding a, a lut nuam team te in 09 September, 2019 (Monday) ni Sun nai 2:00 in ZAM Zum ah Team Leader meeting leh Group khenna ah nong kihel kim hamtang na ding uh zong kithei sak hang. Min sazian te zong meeting ni a nunung hi pah ding hi. Zomi League 2019 ah Champion a ngah te pen RM-2000 + Cup + Medal, First Runner Up a ngahte RM1000 + Medal leh Second Runner Up a ngah te RM700 + Medal kipia ding hi. Kimawl ding ni pen 16, 23, 30 September 2019 nite hi ding hi.

Group khempeuh leh Quarter Final pen Pan Sport Center, PJ hi ding aa, Semi Final leh Final pen Sport Planet Ampang hi ding hi.

Zomi League tawh kisai thu le la dotnop a om leh a nuai a Sport Committee te tungah kidong thei ding hi.

SPORT COMMITTEE TENG

• 1. Rev. Pau Sian Piang – 016 3185 296 5. Sia Joseph Tuan Sawm Tuang – 016 254 4093
• 2. Rev. Thang Za Cin – 012 661 0046 6. Sia Kam Sian Mung – 018 312 2957
• 3. Sia Kap Za Khup – 016 383 8014 7. Sia Mamang – 018 231 1365
• 4. Sia Thang Zo Mung – 017 663 6087 8. Sm Cing San Huai – 017 282 4801

MAPANG KHAWM NI ZOMI KHUADO 2019

Zomi Khuado pawi bawl ding tawh kisai in 22 July 2019 (Wednesday) ni-in ZAM zum ah thudotpi te tawh kikup khopna kinei in, Zomi Ngeina Khuado Pawi limtak bawl dingin thukimna kinei hi. A mun dingin Zomite Khuado Hall, Chin Woo Stadium mah ki kipsak hi. Khuado pawi nasiatak a bawlna dingin sum leh pai tampi hong kisam ahih manin muanna leh lametna lianpi tawh Khuado Committee in anuai a bangin mapang khawm dingin kong zawn uh hi.

• 1. Khua kipawlna pan RM200 pan a tungsiah,
• 2. Biakna pawlpi khat ciang RM300 pan a tungsiah leh
• 3. Khua kipawlna leh Pawlpi panbek hilo in, mimal in zong ma ih pan khop na dingin kong ngen uh hi. Khuado ni dingin 15 October 2019 (Tuesday) ni dingin kikip sak hi.

Zomi te kumkhen Khuado pawi ah Malaysia leitang tung a om Zomite khempeuh khatzong pelemlo a, ih kihel kim theih nading deihna tawh kong theikhol sak uh hi. Tuasung ah Zomite maban ding thugenna, Zomi Idol Malaysia 2019, Laam tuamtuam, lasaknate a kipan kivakna/talent show tuamtuam zong om ding a hihmanin khuahun sia leh thusia tuamtuam te tawh kipelh nadingin thungen ciatni.

Zomi Khuado pawipi muakna in ih neihngei sa mah bangin in Zomi League kimawlna zong om ding hi. Tua ban ah tukum in Gym kimawl te in Body Building Competition kidemna zong om ding hi. By: Khuado Committee 2019

ZOMI KHUADO 2019 COMMITTEE TENG

• 1. President : Rev. Dai Sim Mang
• 2. Vice President 1 : Sia Hau Thang
• 3. Vice-President 2 : Rev. Thang Do Khen
• 4. Vice President 3 : Rev. Peter Dal Khan Lian
• 5. Secretary : Sia Kap Za Khup
• 6. Joint-Secretary : Rev. Gin Khan En
• 7. Treasurer : Sia Joseph Tuan Sawm Tuang
• 8. Accountant : Sia Simon Pau Khua Muan Lal
• 9. Accountant 1 : Pa Thang Suan Piang
• 10. Auditor : Rev. Thang Za Cin
• 11. Auditor 1 : Rev. En Cin Pau

MEMBERS

• 1. Rev. Khen Za Dal 6. Sia Thang Zo Mung
• 2. Pa Thang Za Khai 7. Sia Kam Sian Mung
• 3. Rev. Thawng Khan Sut 8. Sia Mamang
• 4. Rev. Pau Sian Piang 9. Sm Cing San Huai
• 5. Rev. Ngin Khat Thang

ZOMI KHUADO 2019 ADING PANPIH NA HONG PIA SA TE

• 1. Sing Za Cin (Mualbeem) RM100
• 2. Zomi State Fund International, ZSF (I) RM200
• 3. IZCC Pawlpi RM300
• 4. Tuicinlui Khua Kipawlna RM100
• 5. Heilei Khua Kipawlna RM200
• 6. Mualbeem Khua Kipawlna RM200
• 7. Saizang Khua Kipawlna RM200
• 8. Lingthuk Khua Kipawlna RM100
• 9. Tuithang Khua Kipawlna RM200
• 10. Dimpi Khua Kipawlna RM100
• 11. Cikha Khua Kipawlna RM200
• 12. Tuimang Khua Kipawlna RM200
• 13. Ngalzang Khua Kipawlna RM150
• 14. Pimpih Innkuan Malaysia RM200
• 15. Tuilangh Khua Kipawlna RM200

BODY BUILDING COMPETITIONS ZONG OM DING

Zomi khangnote sungah Gym kimawlte adingin zong Body Building Competitions om dinga, tua sungah a kihel nuam ih om leh zong min sazian kipia thei pah ding hi. Khuado ni ma in kidem khol ding a, pahtawina te pen Khuado ni in mipi mai ah kipia ding hi. Hih Body Building Competitions vai a lunglut te in a tunga Sport Committee te tungah min sazian kipia thei ding hi.

ZOMI KHUADO 2019 FUND DING LUCKY DRAW KI LEI THEI TA

Zomi Khuado 2019 fund zon na in I bawl ahi Lucky draw dal khat ciangin RM5 tawh kilei thei ta ding hi. I minam pawipi a kibawl zawh na dingin I mapan na khat ahih manin a kua maciat in I leiciatna dingin zong kizawn phapha hi hang. ZAM zum, Khua makai te leh Pawlpi te ah kila thei ding hi.

ZAM ZUM AH HONG HAWH

Tonzang VMBC pawlpi pan Rev. Thang Suan Kim leh Talek BZBC pawlpi kem lasiam Pastor Dim Lam Kim (Kimboih Talek) te in Malaysia hong zin sungin Zomi te hong it hong veina tawh ZAM zumah hong hawhin thapiakna leh deihsak thungetna hong neihsak uh ahih manin ki lungdam mahmah hi. Topa’n hong zatsak semsem lai tahen.

PILVANG TAK IN OM SAWM NI

Tuhun laitak in kimat kihen hong tam mahmah a, Malaysia kumpi te in a gamsung ah phalna lo tawh om mitampi tak siangsak nuam ahih manin tua mah bangin kimat kihen na hong tam to semsem ding hi ci gen khia khin uh hi. Mun tampi ah Oparasi lang mahmah ahih manin ih om na ciat ah kidawm tak, pilvang tak in om ding hanciam ni. A thukin lua mahmah ahih kei leh vakvak loin I om na ciat ah daitakin om ding hoih zaw tham hi. A zenzen in nasepna ah thuneite in sitna khat hong neih leh kei pen UNHCR ah gambel in hong san ding ngak in a om hi ing/UNHCR card tawi gambelmi ka hi hi.

Ka nuntak nading hih teng ah part time tawh na a sem pak hi ing ci-in I gen theih ding thupi ding hi. Tua bang mah in I boss te kiang ah zong limtak gen khol in. Amau mahmah in zong hihte pen khasum tawh ka sepsakte hi kei part time in hong kuan pak zel bek uh hi hong cih sak ding zong kisam hi. Malaysia om Zomipih a kuamaciat I omna gam huih nun zia tawh kizui-in kidawm ciatni cih hong zasak phapha ung. Kiim leh pam a om mite in hong muh khialh loh dingin I om dan I khawldante kikem siam kawmsa in om ciatni. Azenzen in kimat kihenna khat natuak leh ZAM zum ah hong zasak pah in.

DAHPIHNA PULAKNA

Tuithang khuami Pau Muan Sian (Kum 22) in a nasepna Petaling Jaya pan in September 04, 2019 ni-in hong nusia a, ZAM/ZSM member khat ahihna tawh kizui in zum vai teng kivansak pah hi. A innkuanpih te lunggulhna tawh kizui-in aluanghawm pen pianna kawlgam ah puakkik dingin kivai hawmpih aa, September 06, 2019 nitak nai 3:00PM (Malaysia gam hun) in Kajang zatopi misibuk ah khak na kinei a, September 07, 2019 ni-in kawlgam kipuak kik hi. A dah akap khempeuh tawh kibangin ZAM/ZSM pan in dahpihna I pulak khia hi. Topa’n hong heh nem kim ciat tahen.