Malaysia, Cameron Highlands aom zanlam vanzuakna “Pasar Malam” ahih keileh “Night Market” akici khatah mawtaw in numei naupangno kum 3 aphapan khat taihlum cih AFP pan kiza hi.
Golden Hill Pasar Malam akicihna ah Sunday nitaklam 9:45pm hunpawl in thupiang hi a, naupangno asih banah adangzong mi 2 liamgawp cihi. Asi naupangno pen Johor panin Cameron Highlands ahawh hi a, liamgawp ahih manin Sultanah Hajjah Kalsom Hospital ah kipuakpah hi.
Asi naupangno pen asanggamte 2 leh anu apa tetawh Pasar Malam ah avakkhawm hialhial uh hi a, lamet lohpi in mawtaw in taihkha citciat in asiziau ahihi.
Naupang kimawlna vantuamtuam en in aom laitak in mawtaw in anawkkhia hi ci’n Police Chief khatin genkhia a, amukha khempeuh in ki khasiat mahmah hi.
Adang numei kum 22 aphakhin Kho Liang Jing akici khatzong akhe taklam kitan ahih manin Sultanah Hajjah Kalsom Hospital mahah kipuak in kibawl hi. Tuaban ah adang kum 52 aphakhin numei tan Siew Lee zong alu liamgawp ahih manin Ipoh aom Raja Permaisuri Bainun Hospital ah kipuak cihi.
Cameron Highlands district police chief DSP Hasadid A. Hamid in agenkhiatna ah hih mawtaw ahawlpa pen kum 29 aphakhin khat hi a, thusitna neiding in kimankhin cihi.
Azun leh asi te Toxicology Tests bawlding in kilakhin a, sitcianna kineiding cihi.
Police Chief ii genbehna ah hih mawtaw hawlpa pen Pasar Malam ah vanzuak in aomkhat cihi. Avanzuak tengtawh ciahdingin apaikhiat laitak aphukha cihi.
Mihon lakah lampi akihep nadingin a mawtaw pen deihtak in Accelerator sikin Engine kiphitsak gawp a, tualaitak in Brake khahkha ahih manin amai aomteng aphugawp cimawk hi.
Naupangno asipenzong mawtaw amailam aom naupang kimawlna Toys vanzuakna ah van en in aomlaitak hi a, mawtaw hawlpa in Brake khahkha in ataihlum ahihi.
Related: Kumnih nuaisiah naupangno te TV ensakken!
Police te’n “Section 41 (1) of the Road Transport Act 1987” thukhun tawh kizui in polhtak gamtatna Reckless Driving tawh thubawl uh cih kiza hi. Anu apa te’n thuak hamsa samah unciai maw… ZD Sawltak #zomidaily
Comment piaknop aomleh...