Malaysia Airport khatah lungdambawl muakna laikisuang pen kigelhkhial

Malaysia Airport khatah lungdambawl muakna laikisuang pen kigelhkhial

Malaysia gamsung aom vanlengtual “Airport” khatah lungdambawl muakna laisuan akibawlpen laimalkhial pawlkhat kihelkha ahih manin, tulaitak Malaysia gamsung aom Social Media tuamtuam te’n ciamnuihbawl ngeingai uhhi. Tuavai hangin Malaysia Airports te’nzong mipi tungah thuumna neikhin uhhi.

Tua lungdambawl lai akisuanna pen Kota Baru Airport ah ahhi. Christmas Bunting akibawl khatpen atungah Manglai tawh “Wishing you Mary Christmas & Happy New Years” ci’n kigelhkhial hi. “Mary” leh “Years” pen Spelling leh Grammar kigelhkhial citciat hi.

Atungah “Malaysia Airports” te ii Logo golpikhat tuangsawnsawn a, vaihawm makai te adingin anopmawh mahmahding khat suaksak citciat hi.

“Wishing you Merry Christmas & Happy New Year” ci’n Merry leh Year tawh gelhdingpen aki gelhkhiakha ahihi. Adiakdiak in Malaysia gammi te’n hibangin laimal leh agelhzia akikhialh lawmlawmpen nopmawhsa mahmah uh a, maizumhuai kisa mahmah hi.

Hihvai tawh kisai in Malaysia Airports thunei te’n tuni Sunday (Dec 24) ni in Facebook tungtawn in Statement khat khahkhia uhhi. Tuasung ah agenna ah Kota Bharu Airport ah akisuang Christmas Bunting vai hangin Feedback tuamtuam kangah uhhi. Zannitak in hih laimal leh agelhzia akikhial te kamuhphet un, tua Christmas Greetings pen ki hemkhiapah hi.

More: Nausuakding Operation bawllaitak Doctors nih kitawnggawp dihdih

Hihpen Kota Bhru Airport bekah akikhial hi a, adang muntuamtuam aom Airport te ah akikhial omlo hi. Khialhna honggenpah mipi te tungah kalungdam mahmah uh a, khialhna tezong hong maisak un ci’n kongthuum uhhi ci’n suahkhia uhhi.

Tuaban ah “Merry Christmas and Happy New Year” ci’n thupha kongpuak uhhi ci’n genkhia uhhi. Sawltak #zomidaily