Nute’ ni ah theihhuai thu 15 ~ Zam Than Lian
– Leitung gam teng ah Nute’ ni bawl ni kibang gai lo hi.
– Nute’ ni ah phone call tampen hi.
– Nute’ ni ah ansai te ki khawng pen hi.
– Sammet sai, kizepna te Nute’ ni ah khawng phadeuh hi.
– Nute’ ni ah paak kikhawng pen thumna mun ngah hi. Christmas ni pen a khatna hi.
– Leitungbup ah nu phazah 2 billion kim om dingin ki um mawh hi.
– 2019 kum in Nute’ ni ah sum kizang $ 25 billion kim pha hi.
– US gammi 1/3 bangin Nute’ ni ah nute’ ading suangmanpha / namanpha leisak uh hi.
– Nute’ ni abawl masa Greece in ki ciamteh hi. Greek te in Suan leh Khaak piathei Nusian bia uh hi.
– US history ah Nute’ ni pen kilemna deih Ann Jarvis in “Mother’s Friendship Day” ci in 1868 kum in na pan khia hi.
– Ann tanu Anna in Kumpi ciaptehna ngahzawh nading hanciam to in ah 1908 kum in akhat veina Nute’ ni na bawl hi.
– Woodrow Wilson, the 28th President of United State in Nute’ ni pen kumsim May kha kal nihna Nipi-ni dingin 1914 in na kipsak hi.
– Nute’ ni tungtawn in summeet leh sumzonna in hong zat uh ciangin Anna Jarvis lungkim lo in Nute’ ni phiat kik ding na sawm kik ngei hi.
– Carnation paak te pen Nute’ itna phawkna in kizang hi. A san te pen nute tawh hunzang khawm thei lai te in zang uh aa, a kaang te pen nute tawh hun zangkhawm thei nawn lo te in sihna mual ah hong liapsan sa nute’ itna phawkna in zang uh hi.
– Nute’ ni ah Pi te zong pahtawina kipia hi. Gampawl khat ah sungnu te leh sanggam numei te zong pahtawi uh hi.
Nute ih phawk hi. Leitungbup nute khempeuh leh numei te khempeuh tungah zahtakna leh phawkna ipia hi. Pianna nute tungah lungdam ih ko hi. Nute hangin innkuan kim ciat ah Paisan min thang ta hen. Amen. Zam Than Lian
Comment piaknop aomleh...