Malaysia, Penang ah kum 15 aphapan atanu buanin agaisak papi khat kiman

Malaysia, Penang ah kum 15 aphapan atanu buanin agaisak papi khat kiman

Malaysia, Penang State sungah papi khatin atanu kum 15 aphapankhat zawhthawh thutawh buan, luppih in, gaisak ahih manin kiman cih theStar pan kiza hi. Tua atanu pen sangnaupang sang akahlai hi a, tu’n nau apaaizawh kha 6 phakhinta cihi.

Hihvai tawh kisai in palik thunei ahi George Town OCPD Asst Comm Anuar Omar in agenkhiatna ah zawhthawh thutawh buan athuak numeino ii anu in Police Station ah Report hongbawl ciangin hihthu aki theikhiapan hi ci’n genkhia hi.

Anu pen zanlam “Night Shift” nasem in akuanzel hi a, inn ah aomloh ciangin atanu tungah gamtat kilawmlo khat gamta hiding cih ummawh hi.

Anu in atanu pen aomzia mansalo ahih manin, agai himaiding ahiam ci’n Pregnancy Test tawh atehleh nagai takpi hi. Tuaciang in atanu inzong kapa in tamveipi hongbuan hi ci’n anu kiangah genkhia hi.

Tua thupiang hangin Friday zingsanglam 8am hunpawl in Police Station ah anu pai in Report abawl ahihi.

Atanu pen Penang Hospital ah kipuak in, ki sitsak a, Doctor te’n naupaai mahhi, kha 6 phakhinta hi ci’n kipsakna neikhin uhhi.

More: Malaysia ah papi khatin atanu buan in naupaai, kha 7 phakhin ~ ZD

Hih Case pen sisan kinailua lupkhopna “Incest” tawh “Section 376B of the Penal Code” thukhun nuai ah thu kibawl cihi. Unau, pata, nuta kikal ah mawhna abawl, alumkhawm “Incest” mawhna abawlte pen thong kum 10 pan kum 30 kikalbang ki kiasakthei a, ciangduai tawh tawsat zong kipiathei cih kiza hi. Malaysia gamsung ah hihbangdan gamtatna kizathei zelzel hi. Sawltak #zomidaily