Malaysia Airport ah Cinghpi ki “Rhino Horns” US$3.1 million manneiding kiman

Malaysia Airport ah Cinghpi ki “Rhino Horns” US$3.1 million manneiding kiman

Malaysia International Airport ah Cinghpi ki ihcih namte “Rhinoceros Horns” honpikhat kimanin tuni Monday ni in Malaysian Authorities te’n genkhia cih Reuters pan kiza hi. Tua akiman Rhinoceros Horns khempeuh amanzahding akituat ciangin US$3.1 million tak manneiding kici a, Asia gamsung ah ‘endangered species” akimankhia lakah atammanpawl hiding kici hi.

Hih Rhinoceros Horns tepen Africa, Mozambique gam panin Qatar Airlines tawh Malaysia gamsung ah hongkipua ahihi. Hihbangdan “endangered species” tepen tampipi kimansak in, adiakin Africa gampanin hongkipua a, Malaysia gamsungpen Major Transit Point in ki neitheizel hi.

Tutung akiman te lakah Rhino Horns 18 pen Malaysia gamsung ah aki leiding hiding hi ci’n Reuters te’n ummawh uhhi.

Malaysia, Kuala Lumpur International Airport panin Friday ni in Customs Officials te’n amuhkhiat uh hi a, avekpi in agihna 51 kg (112 lb0 phading cihi.

Hih Rhino Horns tepen singkuangsung khatah kiguangin hongkipua hi a, Report kingah ahih manin Aiport Cargo Warehouse sungah atungsa limtak Checking akibawl ciangin aki mukhia hi ci’n Airport Customs Director Hamzah Sundang in News Conference ah genkhia hi.

Qatar gam ii khuapi Doha City panin Qatar Airways tawh Malaysia gamsung alut hi a, puaktheih nadingin phalna akingetna ah “Objects of Art” ci’n kigelh in, Rhino Horns ahihlam peuhmah ki pulakna omhetlo cihi.

Tuaban ah vanleng tungah akipuaktheih nadingin akhakkhia Consignee Address kician aomloh banah, atun nading Recipient Address zong akician in omlo cimawk hi. (gensimpak in, akhak leh angahding omlo in Malaysia lutthei cihpen Airport Customs Officer te kihelna mah hingel dinghi)

Hihvai tawh kisai in apua vanleng ahi Qatar Airways te’n bangmah genkhiatna neinailo uh ci a, muanmawh Suspect akimanzong omnailo cihi.

Cinghpi ki Rhino Horns tepen U.N. Convention inzong Global Trade bawllohding in akhamcip vankham namkhat ahihi. Ahi zongin Asian Countries sungah zatui Ingredient in kilimzat mahmah kici hi.

Traditional Medicines in kizangthei a, nattum cisa cihbang nengneng akipan Cancer natnadong damsakthei kici hi.

Nungdiak January khasung inzong Kuala Lumpur Airport mahah Saihapak “Ivory Tusks” bekbek 846 kg (1860 lb) kiman ngeihi. Aman zahding akituat ciangin RM7.2 million bang manneiding kici hi.

More: Malaysia KL Airport ah Saihapaak RM7.2 Million manneiding kiman

Thai gamsung ahzong nungkhasung in Rhino Horns bekbek US$5 million manneiding kimankhia hi. ZD Sawltak #zomidaily