Malaysia College sangnaupang numeikhat ata that ahih main thu kibawl

Malaysia College sangnaupang numeikhat ata that ahih main thu kibawl

Malaysia ah kum 20 aphakhin College sangnaupang numei khatin zawlta nei in, asuahcil phetin thatlum in ekbuk sungah koih ahih manin, tuavai tawh kiman a thu kibawl cih theStar pan kiza ahi.

Tua numeinu min pen Nur Izzati Adi kici a, Bukit Kayu Hitam gei aom Agricultural College ah akum khatna First Year akah laitak ahihi. Tuni Monday ni in Magistrate’s Court ah thusitna kinei in, amawhna aki pulak ciangin amahpen alu kunsuk ngeungeu cihi.

Nur Izzati pen Sungai Petani ah ateeng uh hi a, unau 4 lak ah a upapen ahihi. Nau apaailam zong a innkuanpih te’n theilo uh hihtuak a, a College sangkahna Hostel aom Toilet Bowl sungah asuahphet in paiziau cihi.

Nau asuahpen March 30 ni nitaklam 5:20pm hunpawl hi a, naungek pen pasalno ahihi. Athu akibawlcil in naungekpen asisa in asuak kisa himahleh athu aki kancian, dotcian ciangin ahing in asuak hi a, athahlup khitciang in ekbuk sungah anutsiat cimawk hi.

Tuahang in “Section 302 of the Penal Code for murder” cihtawh mithat in akiman ahihi.

Murder cihtawh kimawhsakna aki genkhiat ciangin Nur Izzati in bangmah nialseselo ci a, Bail zong ngahlo ahih manin Pokok Sena prison ah kipuak hi.

Naungek pen Postmortem kibawl in, Report pen ngahnailo ahih manin, June 7 ni ciangin khatvei thusitna thuakkikding a, athong kiatzatding tuahun ciangin ki genkhiading cih kiza hi.

Police te’n hih Case abawlcil in naungek kuama theihloh in suakin, asisa ahih manin aluanghawm selsim cihtawh thu akibawl ahihi. Ahi zongin Postmortem aki bawlmasakna ah naungek asuahcil in asi hilo cih ki mukhia ahih manin, mithat cihtawh thu akibawlkik ahihi.

More: India ah naungek suakcil khat ahingtangpi in leisung ah kiphum

Malaysia gamsung ahzong naungek suakcil kipai, kithat, nauphiat cihbang thuginalo tammawk hi. ZD Sawltak #zomidaily