Deklam tuktum zong gal suakthei ~ Tdkhen

Deklam tuktum zong gal suakthei ~ Tdkhen

1. Innsung damiah om thei. Ih an a nene khat in zong hong lehhek thei. Ih inn-ah hong hawhhawh khat in zong hong suam thei!

2. Ih kikholhpih khempeuh i-lawm hikhin lo thei. Ih lawmte lakah zong i-siatni-in hong awi giugiau om thei!

3. Thadahna pen nop mahmah napi-in, kialpi in hong pha dekdek!

4. Ih neihsate i-zatsiam keileh tualgal laka om kisuak thei!

5. Ih neulai-a ut banga i-omna pen, i-liat cianga ut loh banga(thonginn sung)om nading hi thei!

6. Duh peuhpeuh ne in thau kingkeng leng nop mahmah napi ding, sikhang, zunkhumte hong pai luutluut zel!

7. Ih neihsa, i-hauhnate tawh nuamtakin om hithiat ding i-cihleh, eibek a kimawk nopsak thei na hilo thong!

8. Kihilh, kitai sese lo-in, ut-tum tekin tazau leng nop mahmah napi-in, mihon lak leh leengla limci neihna ah kizahlak zel! (Veih peekpeek leng kiteh-teh!)

9. Ki-ngekbawl’ mahmah leng Vangam bang, kici napi-in, Leitung ki zang siam lo zel!

10. Pumpi liamleh hong kidon napi-in, lungsim liamleh:-

(1) A ginalo-in hong kiseh!

(2) Micing lo-in hong kiseh!

(3) Ih lawmte nangawn in lamdang hong sa!

(4) Ih dam nading zatui hong kitheih sak lo!

(5) Tua bangin omom leng hong ki-upmawh kibat tuak!

A dam nading zatui:-

(1) Lungsim liam pen ngaihsutna in dam kik sak thei hi.

(2) Ngaihsutna(upna) in na khempeuh sem thei hi.

(3) Thu lian khat neu-seek nuamleh neu-sak thei-in, thu neu khat lian sak nuamleh lian thei hi.

(4) Heh nading khat zong ciamnuih suak sak thei-in, ciamnuih khat zong gal a suak sak thei hi.

(5) A utleh kilunggim’bawl’ thei-in, a utleh kilungnop bawl’ thei hi. Ngaihsutna pen nuntakna naak hi-a, i-ngaihsut dandanin a ki-nungta ding ahi hi. Tdkhen