Indonesia, Bali Airport ah numei khatin Bomb kapua ci’n ciamnuihkha ahih manin kiman

Indonesia, Bali Airport ah numei khatin Bomb kapua ci’n ciamnuihkha ahih manin kiman

Indonesia gamsung Bali Island aom Ngurah Rai International Airport ah numei khatin avanlak ah Bomb om ci’n ciamnuih in genkha ahih manin kiman cih Jakarta Post pan kiza hi.

“Ciamnuih galsuak” acih bangdan in ciamnuihna in ka Luggage sungah Bomb aom cipongmawk ahih manin Airport Security Personnel te’n manpahlian uhhi.

Tua numeinu pen Indonesia gamsung Central Kalimantan khuami hi a, kum 28 aphakhin Titis AB kici minnei khat ahihi. Wings Airlines vanlengtawh Bali Island panin East Java, Malang zuanin alengding ahihi.

Departure Gate ngakin aom Airline Staff te kiangah ciamnuih in avansung ah Bomb om cikha ahih manin akiman hi ci’n Bali Police spokesman Adj. Sr. Comr. Hengky Widjaja in genkhia hi.

Airport Security Police te’n tuabang in kammal agenkhiat ciangin manpah uh a, inndeisung khatah thusitna tawlpikhat neihpih uhhi. Bomb apua taktak hilo cih aki theihcian ciangin Statement ah letmat kithuhsak a, tuabang in agamtat, akampau nawnloh nadingin thu kipia hi.

A vanleng zuihding zong akipelh suakpah hi. Airport huangsung limlim ah Bomb cih kammal limlim genkhakding kidop huai mahmah hi.

Ciamnuih pen ahoihbek khat om cih phawk huai hi. Tualeh adiakdiak in vanlengtung ahi zongin, Airport sung limlim ah Bomb, Explode, Bang cihbang kammal te mawkzat huailo hi. Tua kammalte Phone sung ahi zongin apualam ahi zongin nazatkhakna panin muanmawhmi Suspect khat kisuak thei cih phawk huai hi.

More: Indonesia ah naupang kha 10 aphapan khat agilsungah naupaai ahih manin Surgery kibawlding

Nungkum inzong Kota Kinabalu mahmah Malaysian Soldier khatin Checkin abawl laitak in kavan sungah Bomb om ahimaw ci’n mawkciakkha ahih manin, zankhat Lockup ah ki kemcippah hi. ZD Sawltak #zomidaily