Malaysia ah setbing tuang honkhat mawtaw in phukha in taisansuak, mi 4 liam

Malaysia ah setbing tuang honkhat mawtaw in phukha in taisansuak, mi 4 liam

Malaysia, Cameron Highlands panin setbing “Cycle” tawh aciahsuk “para-cycling squad” honkhat mawtaw in nawkkha ahih manin mi tampi liam cih NST pan kiza hi. Tuni Thursday zingsanglam in KL-Kuala Selangor Expressway (LATAR) kizi lamzikpi tungah thupiang ahihi.

Tua para-cycling squad tepen Asean Para Games ciangin akidemsawm in, Cycle tuan akisin uh ahihi. Anawkkha mawtaw pen Toyota Hilux (Pickup Truck) khat kici a, Cycle tuangte anawkkhit ciangin taisuak vingveng cihi.

Hih tuahsiatna hangin Cyclist mi 4 liam uh a, anungzangguh Spinal nangawn aliamlawh om uhhi. Aliam te lakah pawlkhat Sungai Buloh Hospital ah zatui kibawlding in kipuak uh cihi.

Cyclist mi 2 tepen hih tuahsiatna hangin amit uh khua munawnlo ciliang hi. Aliam Cyclist mi 4 tepen aguh atang uhzong tampi kitan in, limliam mahmah uhhi.

Video: Four Malaysian para cyclists injured as pickup truck rams into them in hit-and-run

Hih tuahsiatna pen Toyota Hilux hawlpa in ataihngiat hidinghiam kitheician nailo hi. Anawkkhak khitciang in atuk aliam tezong donvetlo, envetlo in taisuakdan dildelziau cihi.

Kamphatna tawh Motorcycle atuang mikhatin nawkpheikha in, hih tuahsiatna amuh ciangin akisam bangbang in nahuhthei cih kiza hi.

Related: Malaysia, Malacca khuasung ah Kawlgammi nih temtawh ki satliamgawp

Malaysia, Kuala Lumpur khuasung ah hongtungding September 17 panin 23 kikal ASEAN Paralympic Games kidemna omding a, tuading in para-cycling akisin laitak atuahsia uh ahihi. Sawltak #zomidaily