ZIUSA Genvai Sum Dipkikna Thuzaksakna (Nov.2, 2014)

Zomi Innkuan USA
Executive Committee

THUZAKSAKNA
November 02, 2014

A Thu: ZIUSA Genvai – Piakkholh Kivuina Sum Dipkikna

Zomi Innkuan USA kipawlna sung a Genvai Thukhunpom Pawlmi khat ahi, New York City a teng Pu Ngin Za Langh in Oct. 31, 2014 ni in hong nusia ahih manin Zomi Innkuan USA in Genvai Sumpi sung panin $10,000 (Dollar Tul Sawm) tawh a luang kipham/kivui hi.

Genvai Thuciaptehna:
· Hong nusia Pawlmi Min
:
Pu Ngin Za Langh
· Kipawlna Min
:
Zomi Innkuan New York City
· Genvai Thukhunpom Ni
:
10/17/2013
· Sih Ni
:
10/31/2014
· Luang phamna/kivuina Sum
:
$10,000 (Dollar Tul Sawm)

ZIUSA Genvai Thukhun zui in a tung a luang phamna/kivuina sum pen Kha Khat sungin dipkik ding ahi hi. Tua ahih manin, ZIUSA Genvai Thukhunpom Pawlmi khempeuh in November 1, 2014 ni a kipan Kha Khat sungin anuai a bangin Genvai Sumte Genvai Tanute tung ah puakciat dingin kahong zasak uhhi.

Nov. 30, 2014 ni alap in Genvai Sum Puak Ding Zah:
· Mimal Khat (Single)
:
$10
· Nupa Kopkhat (Couple)
:
$15
· Ta Nih (leh nuaisiah) anei Innkuan
:
$15
· Ta Thum (leh a tungsiah) anei Innkuan
:
$20
· Theih ding: Zomi Innkuan kipawlna tuamtuam pan tutung in Genvai Sum kaihkhop ding zah lahna lai khat hih Thuzaksakna tawh hong kikhakkhawm hi.

ZIUSA Genvai pan luang phamna/kivuina sum dipkikna pen a kiciangtan ni in a puak nawnlo khatpeuh a om leh Genvai hamphatna taan ding ahih manin a hun lap-in puak ding hong kihanthawn hi.

Genvcai Sumte anuai a Makai/Tanute tung kipuak thei ding hi.
1. Omna khua a Zomi Innkuan kipawlna pan Genvai Tanute
2. ZIUSA Genvai Tanupi: Pa Tual Sawm Lian (Bawi Lian)
2529 E. 88th St. #612, Tulsa, OK 74137.
Cell. 716-228-5071. [email protected]

Hici bang a pankhopna, kihuaina pen eima mimal hamphatna dingbek hilo a, khat leh khat ki-it kikhualna takpi hizaw hi. Genvai sum ih puak manin hamphatna ih ngah ding sang’in a tuahsia ih laizom khat ih kigal ih kiphak ih kihuaina in sansiam ding kisam hi. Ih laizom Zomi khatin sihna ahong tuah ciangin ih Zongeina leh Pasian upna sung ah ih ki-itna kemcing in khat leh khat kihuai in luang kipham/kivuina pen Pasian mai leh mite mai ah a namtui mahmah kihuaina ahih manin hanciam in ma pangkhawm ni.

ZIUSA Genvai kipawlna ah a pangkhawm Pawlmi khempeuh tung ah zahtakna tawh lungdamna hong ko ungh. Tuamah bangin ZIUSA Genvai Tanupawl a kipan amun mun a om Zomi Innkuan Genvai Tanute tung ah Executive Committee in zahtakna kong pia uhhi.

Executive Committee
Zomi Innkuan USA, Inc.

Taang’in,

GSKhup
President

Tulsa, OK
November 2, 2014