Malaysia ah Lorry tailai khak meikuang, asi aliam omlo

Malaysia ah Lorry tailai khak meikuang, asi aliam omlo

Malaysia North-South Expressway lamzikpi tungah Lorry mawtaw golpikhat meikanggawp ahih manin, Northbound Traffic teng kikhakcip cih theStar in tuni genkhia hi. North-South Expressway, Menora Tunnel geinai ah Lorry mei akang hi a, Fire and Rescue Department te meiphelhding in apaitheih nading un Northbound Lanes te kikhakcip ahih manin, mawtaw bekbek 3km sungbang awkcik, Traffic Jam nasia mahmah cihi.

Meru Raya Fire & Rescue Department panin thunei khat ii genna ah Police te huhna tawh Northbound Lanes te zingsang 7:50am hunin ki khakcipthei a, tuapan in ami te meiphelhding in kuanthei uh cihi.

Lorry meikatna munah meiphel te atun uh ciangin Minutes 30 sungbang aphelhkhit ciangin, phelhsiangzo uhhi.

Zingsang 8:20am hunpawl in Expressway khat kizangkik theipan a, hih lampi kikhakcipna hangin nasem kuanding leh khualzin mi tampi nawngkaisak khading hi.

Fire & Rescue Department thunei te genna ah meikang Lorry pen tuisiang Mineral Water pua in, Shah Alam pan Sungai Petani lam zuanin apailaitak hi a, meikatna ahangzong ki theician nailo hi. Asi aliam zong omlo cih kiza hi. ZD Sawltak #zomidaily