Makai pawlkhat tungpan khaici hoihlo ~ Nang Khan Pau

Makai pawlkhat tungpan khaici hoihlo ~ Nang Khan Pau

Community Or kipawlna makai asem imuan isuan tata in makai asep laitak un,
Kipawlna ah makai ahih man’n mipi nautang in zahtak bawl in thupi kisa mahmah hi mah leh Makai ten tua kipawlna siksan in, a mau mimal hamphatna ding bekbek azong makai kitam mahmah ahih man’n, kipawlna in bangmah khantona ngahlo in,a mau mimal in nuamsa mahmah ahih lam tuhun khuahun paizia ahi tammaw cici ing e…

Minam kipawlna, Biakna kipawlna ah, adiakdiak in Zogam huamsung ah i etphat kikteh maikai (Biakna) ten kipawlna ah asep hun abeiciang kasepding ci in, kiginglua uh ahih man in, akipawlna in bangmah khantona ommello in anusia tam mahmah cileng kikhiallo ding hi. mimal aipeng sepding lampi khatpen kipawlna makai asep hunsung in, buaipih zaw uh a, mimal in lawhcing mahmah uh hi.

Makaiten Vision hoihpipi aneih uh hang in, avisonte uh mimal aipeng in nei pahpah uh a, Kipawlna ah makai hi napi’n akipawlna ah tua visionte phungvuh nuamlo uh hi. Kipawlna ah aviasionte kisem leh makai asep khit uh teh amau sepding omlo ding hi cihpen lunghi mawh ban ah sum ngah nading zong omlo ding cih ahihi. Akha siathuai thukhat ah, tua makaite pen kipawlna (Convention) Local pan sumbul kidong teng tawh khasum kipia ahihlam thei napi’n amau mimal aipeng vaitawh hongbuai uh pen akhasiat huai penpen thu ahihi.

Kipawlna phungvuh nasep khopding pen makai tampite lungsimsung ah tengmello in, kipawlna ah makai kasep sung ken bang maban zong ding cihtawh buaizaw i hih man in, hong kahto ding makai thak ten mai ate sep bangbang hong kici lel ding ahih man a, minam bup, kipawlna buppi suplawh dikdekna hong khang semsem in mimal khantona bek hong piang lel ding hi..

Mipi in zahtak in pakta ahih man in tua siksan a, mimal aipeng nasepna lampi zonna minam bup suplawhna hi’n,mipi nautang ten ahiding mah kisa kha veve in asep khempeuh kipakta lai veve hi. Avisionte uh Kipawlna tawh semkhawm theile hang i kipawlna (convention) minam bup khanto nading in mazang zaw ngelding hina pi’n, Makai ten minam sungah khaici hoihlo i tuhtuh lam kitheilo in, ka minam nasepna/ka Pasian nasepna ci in ki phatphat zawlai tazen hi hang..Maban ding khasiat huai mahmah ding hi…ei le ei kivalh tum sawm den i hih man in ..Guai aw ngaihsun pha dih ni… Nang Khan Pau (15798 SE Division St # 21
Portland, Oregon 97236 USA. Cell Ph:503 875 7141)