Maitai nading akisam kalpi sagih te

Maitai nading akisam kalpi sagih te

1. A beisa na nuntakna tawh kilemdan bawl in..Banghang cihleh a beisa na hunte na lakik thei kei hi. A beisa na nuntakna in tu-a na nuntakna hong suksiat khakloh nading kikem in…

2). Mite’n na tangthu a gen (hong gensiatna, hong konate) nang tawh kisai lo a, amau vai ahih manin awlmawh vet kei in… Nang nuntakna nangma thuthu hi..

3). Hun le nite’n na khempeuh damna pia thei ahih lam mangngilh mahmah ken… Banghang cihleh… hun le nite’n nang hong panpih den hi…

4). Midangte tungpan gualzawhna, lawhcinna le maitaina ngah dingin kilamen kha het kei in. Banghang cihleh na gualzawh nading, na lawhcin nading, na maitai nading nang mimal mahmah tungtawn panin hong piang ding ahi hi.

5). Nang ii nuntakna le midangte nuntakna va mawk tehkaak den keei kei in..Banghang cihleh amau nuntak khuasakna amau aa hi-a, nang aa pen nang mahmah in na kalsuanpih kisam hi..

6). A piang bangbang tungah lungkim thei in… Banghang cihleh i gelna bangin na khempeuh piang pahpah lo a, i nuntakna hong nei Pasian gelna bangin piang hizaw hi.

7). Nuihmai hiuhiau den lel in… Banghang cihleh…leitung a buaina, haksatna khempeuh nang liangko a hong kinga hidek suailo hi. Nang zong nang thuakkhop nei cin a, amau zong amau aa khop mah nei lel hiven… Lungdam, Dong Mung