Singapore leinuai kuahawm sungah Taxi atailaitak puakkham, Video kizaihkha
Singapore gamsung ah Taxi khat leinuai “Kallang-Paya Lebar Expressway (KPE) tunnel” sungah atailaitak puakkham in, meikuanggawp cih STOMP pan kiza hi. Zanni August 29 nitaklam 7pm hunpawl in thupiang hi a, tua Taxi pen TransCab Company te Taxi khat ahihi.
Hih tuahsiatna apianlaitak agei ah anawkkha te’n Mobile Phone tawh Video Clip nazaih uh a, STOMP Contributors Crystal, Edwin, Love, Andy, Ashfeq cihtengin STOMP te kiangah puaksawn uhhi.
STOMP Contributors Crystal in apuak Video sungah tua Taxi pen amai Bonnet sungteng maikuang ziahziah kimuthei hi.
Meikuang meikhu tengtawh KPE Tunnel leisung mawtaw lampi tengah meikhu bekbek dimzihziah in, khuasungvak mawtaw hawl tezong paitheilo in khawlcip uhhi.
Hih KPE Tunnel sungah Taxi puakkham in meikuang aom ciangin Speaker panin Land Transport Authority (LTA) te’n tangkona Emergency Announcement bawlpah uhhi.
Tua tangkona ah “hihpen LTA Emergency Announcement hi. Hih Tunnel sungah aomkha khempeuh akinaipenpen Exit panin pusuakkhia un. Mawtaw tawh a pusuah theilo te’n na mawtaw uh aset Engine sumit unla, mawtaw nusia in Emergency Exit panin pusuahkhia mengmeng un cimawk hi.
Singapore Civil Defence Force (SCDF) te’nzong hihvai tawh kisai nitak 7:53pm hunpawl in Facebook Page tungah suahkhia uh a, tuahsiatna ah kidelhpah ci uhhi.
Video: A taxi catches on fire at the KPE tunnel
SCDF te’n KPE Tunnel meikatna ah kidelh in, Taxi meikuang pen kiphelh thei hi. Hih tuahsiatna hangin asi aliam kuamah omlo hi ci’n genkhia uhhi.
SCDF te genkhiatna ah hih Taxi ii Engine Compartment sungpan in meikang kipan hi ci’n genkhia uhhi. SCDF te atunma in ageinai ah aom Public mi 2 te’n Hosereel zangin mei naphelhkhin uh cihi. Hih meikatna hangin Taxi hawlpa zong bangmah liamna omkhalo ci bilbel hi.
Related: Video: Singapore gamsung lamkanna lei khat mawtaw in anawkkhak laitak
Tunnel sungah atungkha pawlkhat in agenna ah Emergency Announcement panin asungah aomkha mite ki hepkhiatding genkhia a, ahi zongin pawlkhat pen mawtaw nutsiatsan taktakding pen lunghimawh veve uh cihi. Mawtaw anusia ngam taktak kuamah omin ka umkeimai hi ci’n agei ah amukha Witness khatin genkhia hi. Sawltak #zomidaily
Comment piaknop aomleh...