Lungdambawl thulaigil taktak! ~ Khup Khan Thang

Lungdambawl thulaigil taktak! ~ Khup Khan Thang

Lungdambawl thu laigil taktak in, “Leitungah kilemna om ta hen!” “Peace on earth!” a cihna ahihi. “Lungdambawlni Galkikap dinkhawlpakna” “The Christmas Truce” 1914 kum December kha sung in, galphuang Germany galkap (Invading German troops) te leh galnang kibelpawlkhawm galkap (Defending Allies) te-in Belgium leh France galmai dung tengah galdum to uhhi. A buancim zihziah galdum te pan in alawm galkap site leh a liamte ki thehthaang na, a kikal uh aa kua mah lak zawhlo mun kantan in kikap ziahziah uhhi.

Ahizong December 24 ni-in, nitumna lam galmai, galdum saai tung tengah German te’n meitawh kizem singkung te hong koih uh hi. Kibelpawlkhawm galkap te’n hong zui pah in, kiginneihlo kilemna (Impromptu peace) hong om vat hi. Tua in tuma kum 100 lai Leitung galpi khatna (WWI) galkikap dinkhawlpakna hong piangna hi.

Hih galkikap dinkhawlna pen, ih gal te tawh kikhawlkhawm loding cih khauhtak kikhaamna omna pipi in, galkap te lakpan hong pianghi ci-in taangthu sia Stanley Weintraub in gen hi. “No lah hong kap lo ding, kolah hong kap lo ding” cii in awn in a kiciam khit uh ciang in, denna’ gal leh sa a kinei te, lungdambawl late saa in kipahtawi uhhi. Pawlkhatte a galdum pan pusuak in, a khutte uh kilen aa, a siklik/zatep te ki hawm in tepkhawm uhhi.

Lungdambawlni ciang dong hih kilemna zoptoh suak ding alang nihin ki thukim uhhi. Tua hangin amaute khat leh khat kimu kik thei ban-ah a misi te zong phum thei uhhi. Alang leh alang tuakin hankhuk te tokhawm aa, phawkna bawlin, munkhat ah, Scottish chaplain pa-in pau nam nih in Late 23 (23rd Psalm) sim in misite phawkna kikhop makaih hi. Galkap te in ankuang umkhawm in, inn lampan aa kikhak vante kikhek uhhi. A galkappuan angkilh te kepcing (Souvenirs) dingin kipia uh aa, bawlung na ngawn kidem uhhi.

Weintraub in “Kuamah in galkikap zom nuam nawnlo uhhi” cii-in gen hi. A hihhang a’mawhpuak (Duty) atonkik te nasiatak in dan kipia ding hi ci-in tungsiah te’n lausak uhhi. Kum hong thak ciang in alang nih tuak un, nasia tak in kido kik uhhi cii’ Weintraub in gen hi.

More: Kilemna Kumpipa ~ Nang Za Thawn

Ahihang amaute in tua Galkikap dinkhawlna (Truce) pen, “Bang zahin piandang a, lamdang hiam!” German galkap khat in, “A lam dangdan” ci-in aa innlam lai khak te leh a nisim thu ciamtehna (Diary) te ah ithuaina taktak tawh at uhhi. Patricia Edmonds; National Geographic December 2014. Lungdam, Khupkhan T. Taithul (Norman, OK, December 17, 2014)