Aktui tang 5 gukna pan minuamsa khatsuak
American gam Alabama – Tarrant khua ah thu piang khat ahi hi. Mangvom te Helen Johnson akici kum 47 apha numei nupen a tanu nih leh atu te thum tawh a omkhawm khat hi a anasep na ah kha sum $120 bek sang in mi genthei khat ahihi. Khatvei a khasum teng ongmang sawnsawn in sum ongzat sam mahmah a ninih khitteh inn ah nektheih ding ong omnawnlo pah hi.
Asum neih sun $1.25 tawh Store sai ah aktui cardkhat leiding in ongpai khia hi, sai atun teh asum in aktui cardkhat azawh loh lam thei ahih man in AKTUI tangnga ong gusim kha mawk hi. A AKTUI guklam nasemten thei in PALIK tesam uh hi. PALIK thunei William Stacy ong tung in thupiang teng atheih khitciang Guta nu HELEN amat tang in AKTUI carton khat leisak hi.
HELEN in lamdang salua in,lungsim linglawng sa in ong kap hi.William kiang tamvei pi thuum in a lungdam na zong gen hi Palik thunei William in HELEN a inn dong kha in nidang teh hidan a gamta nawn ken maw ci’n a kiciamsak khitciang amah ciah hi.
Tua zawh nili khitciang Palik zumpan HELEN inn ah nektheih van tuamtuam mawtawnih puak lai uhhi, HELEN in hih vanteng amuh ciang in lamdang salua leh lungdam lua in ong kap leuleu hi.
Hih thupiang teng american gamsung ah kizel in mitampi ten vei mahmah uh ahih man in Mangvom nupinu HELEN kiang neklehdawn silhlehten Sumlehpai ongpuak ziahziah mawk uh hi, a zawng mahmah AKTUI nangawn alei zolo HELEN pen lungsim hoih leh thumuhna anei PALIK William hang in a nuntak na zankhat thu in ong ki lamdang mawk hi.
Hih thupiang khinkhai lehang Palik thunei William in aman angaihsut siamna tawh a thukhenna hang in mikhat thong a kiat ding tang in innkuan khat ahoihzaw asangzaw tun mawk hi, a taktak in cile hang Helen pen guta mihi lohi, inn ah nekding nei mahmah lo sumzat ding zong omlo aih man in innkuan pihte gilpi vaiding in sihlehsih ci a aktui agukha ahi hi.
More: Cidamna tawh kisai theihhuai pawlkhat ~ AS Thangbawk
Hidan mite pen thong ih khiat sang huh a panpih na in ahoih pen lampi hi cih Palik Willliam in kician tak leh teltak a atheih na hang ahihi, Laisim mimal kim Topa’n thupha ongpia hen, Amen. Pau Sian Suang (Light Ministry)
Pum Khan Kham Ngaihte says
Thu pi leh zak nop phial mawk ei.Lung dam.