London khuasung ah Terror Attack hangin mi 5 si, 40 liam

London khuasung ah Terror Attack hangin mi 5 si, 40 liam

London khuapisung aom British Parliament ah migilo te gamtatna hangin khuasungmi 3 leh Police Officer khatin sihlawh a, adangzong mi 40 bang liam cih Britain’s Top Counter-terrorism Officer te’n Wednesday (Mar 22) ni in genkhia hi.

Amasa in akizakna ah asipen mi 3 leh aliampen mi 20 ci’n akiza hi a, ahi zongin asi aliam kibehlap toto hi. Hih Terror Attack hangin khuasungmi 3 leh Police Officer khatin anuntakna beilawh in, adang aliampen 40 bang phata hi ci’n Mark Rowley in genkhia hi.

Terror Attack kipatna pen Westminster Bridge tungpan ahihi. Westminster Bridge pen khuasung galet nadingin nopci mahmah ahih manin gamdang Tourists Million tampitak alunglutsak mahmah Iconic View ahihi. Tuaban ah Britain’s Houses of Parliament tawh kizomphei in, London khuasung anopcisak mahmah munkhat ahihi.

Migilopa in SUV “Sport Utility Vehicle” mawtaw khattawh Westminster Bridge tungah mipi aom zihziahteng nakpi in nawkpheigawp a, tuakhit ciangin Police Officer khat temta tawh dawtphei hi ci’n New York Times te’n genkhia hi. Westminster Bridge tungah mitampitak khetawh lampai mi tampitak aom hi a, tuateng mawtaw tawh aphulgawp ahihi.

London Subway ah Bomb akitap khitzawh hih buaina pen London khuasung ah ahuaisiapen hiding kici hi.

Westminster Bridge pen Britain’s Houses of Parliament tawh akizomphei hi a, buaina apian akipan Ambulances, Emergency Vehicles leh thautawi Security Officers te’n tuangeiteng ah ngakcippah uhhi. London khuasung ah mipi atammahmahna munkhat hi a, ahi zongin buaina apiankhit ciangin hihmunteng ki khakciplian hi.

British Prime Minister Theresa May in hih Terror Attack pen “sick and depraved” ci’n genkhiat a, Terrorist te’n ih London khuapi laizangteng hong buaisak uhhi ci’n genkhia hi.

Tua Terrorist papen mawtaw tawh Westminster Bridge tungah mitampi anawkphei khitciangin mawtaw tungpan kumkhia in Parliament mai aom Police Officer khat temta tawh dawtphei hi. Tualaitak in amahzong Police Officer khatin thauna nakaplum thei hi.

Video na etnopleh: Scotland Yard: At least four dead in London terror attack

Belgium, Brussels khuapi sungah IS migilo te’n Bomb akizom in nihvei sukham in mi 32 in asihlawhzawh kumkhat acinni Anniversary lianin London khuasungah buaina apiang ahihi.

More: Belgium Airport ah anasia mahmah in nihvei kizom apuakkham om

London khuasung ah Security pen ki khauhsak semsem in, Terrorist palah kikaplum ahih manin buaina apianzia ngimna te thunei te’n kansan lai uh cih kiza hi. Migilopa tawh asi vekpi akigawm in 5 hi a, aliampen mi 40 ahihi. ZD Sawltak #zomidaily