Malaysia ah kipuahna Cosmetic Products nam 8 zatlohding kumpi’n tangko

Malaysia ah kipuahna Cosmetic Products nam 8 zatlohding kumpi’n tangko

Malaysia Health Ministry in kipuahna vanzat “Cosmetic Products” pawlkhat pen zatdingin lauhuai a, gu damdamin piangsakthei ahih manin cidamna susiathei hi ci’n tangko khia uh cih theSun pan kiza hi.

Tua Cosmetic Products tepen: Moleek Day Cream; Adel Miracle Flawless Serum, Ah Beauty Night Cream, NDZ UV Whitening, Snow Cream Normal, Snow Cream Sensitive, Dnars Nar Cream — Sensitive and Ellfie Night Cream

Moleek Day Cream, Adel Miracle Flawless Serum and Ah Beauty Night Cream te sungah Mercury kihel cihi. NDZ UV Whitening sungahzong Hydroquinone kihel cihi.

Snow Cream Normal, Snow Cream Sensitive, Dnars Nar Cream — Sensitive and Ellfie Night Cream te sungahzong Hydroquinone leh Tretinoin kihel ci’n genkhia uhhi.

Hydroquinone leh Tretinoin cihte akihel vanzat Products khatpeuhpeuh pen zatui namkhat “pharmaceutical items” in aki ciamteh ahihi. Tua ahih manin Drug Control Authority te tungah Register bawlhamtang kisam a, zattheih nading inzong Health Professionals khatpeuh ii phalnabek tawh kizang thei cihi.

Hydroquinone akihel Cosmetic Products tezongpen pumpitung, vuntung ah sansakthei, ziasak thei bekthamlo, vun amelzong kikhel sakthei ahih manin Hypersensitive Skin piangsakthei cihi.

Tua ahih manin Malaysia Health Ministry in Cosmetic Products nam 8 tepen zatding phallo in zuakdingzong phalnawnlo uhhi.

Hih Cosmetic Products tepen nalei nawnkei un, nazang nawnkei un. Aleikha azangkha te’n hih Cosmetic Products nazatna hangin nopmawhna khatpeuh aomleh amanlangin Health Professional te tawh naki lakpah un ci’n Health Ministry in zaksakna nei uhhi.

Hih Cosmetic Products tepen adiakin numeite zat, mai kipuahna vanzatte ahih manin, Malaysia gamsung aom Zolia te’n nazatkhak lohding uh naki hilhsawn un. Kipuahna vatzat tepen tampipi manmawk ahih manin, atuh “Fake” zong ki limbawltuak mahmah mawk hi.

More: Sengam ah atuh akibawltawm Cosmetic Brand minthang $171 million manneiding kiman

Nungdiak inzong Sengam ah Cosmetic Brand aminthang tata atuh akibawl honkhat kimankhia cih kiza a, akiman khempeuh sumtawh akituat ciangin $171 Million bang phading cimawk hi. ZD Sawltak #zomidaily