Beh bulphuh luatna ~ Gin Kam Lian
Zomi it teng: Ih Minam sungah BEH ki thupit Ngaih sun in khang kan na hi in hoih veve hi. Leh lam pan en kik leng BEH pen ihpu te min hi ci hang a,Ih Pu te’n e leh Pu leh Pa na nei lo maw? Bang hun pan Ih Pu khat sung pan BEH ong kipan khia hiam? Tu a BEH Ih cih Ih Pu/ Pa ma in BEH kinei nai lo maw?
BEH Ih bulphuh luat ciang in Zomi Te sungah angsung,Ko teng,Ko beh teng cih in ong zui pah in mipi lungsim neih ding zah ong nei saklo mawk thei hi.BEH Ih kici hang Ih pute zui in a khilkhil in ki om leuleu hamphat nang om mah leh zong ka BEH teng kici masa tuan lo in Ei bawng sung teng Ih Pu tu leh ta kici toto in ,kikhen toto Lai cih pen Ei misungah a om den hi.
Tua hi in BEH pen thupi mahmah in BEH Ih bulphuh lai teng mipi a ding cih mipi lungsim ong tawm ding hi.Khang kanna ding hoih hi.A taktak cileng dahna nopna, hamsatna Ih tuah ciang Ih BEH Te sang khangual khat Peuh in zong ong huh thei Zaw Lai hi.
BEH thupi mah in ,Minam leh mipi lungsim ong kiam sak a hih teh Ngaih sut kik huai hi. BEH te kicici Napi BEH sungah ci mawh khat om leh zong Ei a BEH teng Ciin kipan pih cih zong tam lualo hi. BEH Pawi kibawl zel in hoih hi.
Tua Ih Neek leh dawn a beiteng tawh BEH sung laisiam sum neilo, Cina zato kah zolo khat huh huan Zaw leng hoih lo diam ?Ei BEH teng Ih cih luat teh Ih minam te Lak ah Dai/ Gamgi bawl bawl tawh kibang hi. Khang simna in Zang in Ei ZOMI teng mah cileng mipi lungsim khang zo pan ding hi. Kamlian
Benjamin Thawn. says
Azah takhuai, Pu. Kamlian -aw ! Thangpi gen pen maan mahmah hi.Na lai at /suah te, khatvei tabeek simkik loin suah mawkmawk kei lete (Hong deihsak bek hiloin) hong deihpih ngeu -ngau ing. Beh thu pen; Nang abang dinmunte-in hong pulaakkei le ute a uthuai penpen thu-a ka tuat hi. (1)Leitungah, I nu I pa , I sanggam (Beh )te sa ‘nga ih kinai pihzawk kuamaw I gentheih ding ? Tuamah bangin,MINAM Sungah ei’ NAM sanga iki naipih zawk ding kua maw ? Ih gentheih ding leh ka gentheih ding ? (2) Na khat sem ding hilehang, ZOMI IT TENG ‘ ki ci pahpah nuam lai . Kua ahia Zomi itlo ci -a , mawh I puak saktheih ding ? A ki-It vive , .ki-it dan asiam nailo bek hihang. (3)Amaan takin cileeng, ka NAM ka thupi tuat mahbangin Pu -aw, Nang zongh, kong thupi tuat/ngaihsuna, Hicibang thusuahte-ah; Nang sese sa’gin na Sakol’nung zuite/na mawtaw’nung zuite khatpeuhin suahzaw genzaw leh hoihin a kilawm zaw tam, civenge ! Innteek’thusa acih danun, khua khatah; Taangko, Zuasaw’ cihbang danin e ! Tuhun leitung paidan hi, nacih lezongh maan veve. Zomi Party omsunh makaipi nahihteh, kacihna hisame. Parcel’hun hi-e, na cih lezong maan kawikawi. Ahi zongin, Me /Vote a hong ki khiatteh mi-te’n News-ah hong tangko khollo dinga ka upmawh man hi. Hizah cianga ih Nam aa dinga na nong sep manin,hithu hong at/gelh ngam ka hihmanin kipaakin ka aangtang mahmah hi. Cidamin Zomi te hong makaih zoden dingin ih biak Topa Pasian in hong ompih taheen.
Thang pi says
Beh ih cih pen,zomi hih na hong ki lang sak hi,zomi lo ten Beh nei lo hi veh aw,