Haksat hun in lungkia kei in ~ Dim Lun Zam
Haksat hun in a lung kia pahpah te migina lo ahihi (Proverbs 24:10) Haksat hun pen a hun sim in akipal khaciat hi a, tua hun ciangin bangci bang in thuak lehang phat tuam na om ding cih te hanthotna pawlkhat ka hong pia nuam hi. I thungetna a liatna tawh ki zui in, haksatna zong ki tuak hi.I ngimna aliat leh I lampi zo haksa ding hi. I tun ma teng lamkalah haksatna in omlo ding ki ci thei lo hi.
Pasian thu I up ciang, Zeisu pen honpa leh Topa a, I san pen a thu baih tawh ki bang in, I nuntak na (practical) ah na thu baih lo hi. I upna I neihtaktak leh I neih taktak loh pen sit tel (test of faith)na ki thuak den hi. Haksatna I cih ciang, sum leh pai ci mawh na, dam loh na, kibawl siatna, mi te tel khialhna, gensiatna te leh lawm leh gualneih lohna, ki paampaihna, te cipak ni (adang tampi om lai ding).
Taanglai misiangtho te in, a nuntaakna uh pia in, a upna uh na sihpih ngam uh hi.Hebrews 11 ah, amau te nuntakna leh kipiak khiatna te in, tulai khangthak tapidaw te tha ong pia in, onghanthon uh hi.
Tua haksat nate sung ah ze-etna zong ki tuak hi. Ze-etna I cih ciang in, mawhna lam ah zawlna hi a, atuamtuam tawh ongki ze-et hi. A thuneu pen tawh aki bang nisim I tuah khak tawntung nate khat en pak le hangh, e.g, heh suahna ding, kihen na ding, lungnop loh na ding, lungsim nawngkai na ding ciha inn kuan pih te tung pan leh I lawm it te kiang pan ong pai thunengneng te zong a hi hi.
I khan cing nop leh na lian khat peuh I deih leha baih lam leh a mawkna ah ki ngah lo hi. Pasian sung ah jump-promotioncih bang om lo hi a, miracles or supernatural bek om hi. A hi zong in, Picin na ding pen, haksatna phukha lo in, pian ngei kanin, na ong piang lo ding hi.Picin na pen kahlei cial khat khit cialkhat ki kah bang ahi a, sit tel na I zawh leh thuap khat khit thuapkhat ki kah to hi.
James 1:1-5 na I et ciang in, haksatnaatuamtuam na tuah uh ciang in ( trials of many kinds) acih teh a tung a, ka gen teng hi pah hi. I ngah ding thupha in,thuakzawhhata, picin na, bang mah kisapna om nawn loh na, cih te hi. Kisapna om lo, a cih te tampi om lak ah, khat in pilna(wisdom) ahihi. Hih pilna I ngah ding pen haksatna thuak zawhna sung bek ah om hi. Late lai at pain, haksatna( affliction) in kei ongpilsak hi aci hi.
Topa Zeisu in, Luke 6: 48ff mi pil pa leh mihai pa taangthutom khat I etteh ding in, na gen hi. Hih thu leh “haksatna” I cihte en kaak dih ni. Mi pil pa in, suang tung ah iin lam hi a ci hi.
Suang pi ahi Zeisu pen, aum lo ta ding in, ki pal khak na hi a, a um ta ding in, belh taak leh maizum na thuak ngei lo ding a ong ki pia suang a hi hi. Suangpi langpang kei in,na langpan lehnang mah na na’ zaw ding hi. Suangpi na tung ong tu leh ongdelh lum ding hi. Suangpi pen tawphah in, nei in, to le hangh, sehnel lei tawh ki bang lo in, tawh hak in, thatang, sum leh pai, hun cih te tampi bei hi. Topa Zeisu nung I zuih ciang in, suangpi tung ah inn lam ding a, tuzum khat tawh a to to tawh i ki bang hi. I khua ul kai in, ki thuak in, ki gim hi.
“Zeisu I Topa hi” I cih lai tak pen tu hun ciang in a baihziau khat hi a, a hi zong in, tapidaw masa ta ding in, anuntak nauh a ki piak khiat na uh ahihi. Tua hun lai in, “Cecer is Lord” “ Cecer in Topa hi’’ ci kei leh mat leh hen leh thahna te ki thuakhi. Tua a hih man in, inn lam na ding lei tawphah (foundation) tel masa in. “CeCer maw Zeisu”.
Suang tung lam ding cih mawk pen I tawphah pen sak luading theih sa a hi hi. I khuam phuh sukna ding pen tawh kuakkul a, baih lo mahmah ding hi. Mite in Zeisu nungzuih baih hi leh kua mah nungkik lo ding hi. A tawp dong a zui te in, amanphatna a thei teng uh a hihi.
Thukhat pan in, a khuam phut zo khin le hang a dang ten gong baih ta hi. Tua foundation bawl laitak pen,a kiu li pen akitan mateng in, a tung lam kah to ding cih pen haksa mahmahding hi. Zeisu in, I upna bulpi tawphah bek hi lo a, inn kiusuang zong ahihi. Ama tung mah tawn in, inn I lam leh a tungaphei ong ki tang na ding hi. Lam suak in, la, nung kik kei in, tawl khat sung bek hahkat in, thuak keeikaai in, lam ding a hihi.A tung (vertical) in I Pa tawh ki zawpna hi a, a phei in, (horizontal) mi te tawh I ki zopna ahihi. Pa tawh na ki lem lehmi tawh zong na ki lem ding a, tua in, mipil na suah na a hihi.
I nuntak hun, khang khat cih bel tom mahmah a, bang hunin,mi hing te ki koi ci ding cih ki gen thei lo ahih man in, I nuntak sung teng pen I upna hang in haksatna I tuah leh zongphun lo, pau lo, nungkin lo in, I thuak suak ding thupi ka sa hi. Tu hun ciang in, I upna ki zaangkhai ngaihsut lua in, haksatna kiphu nuam lo in, lamdawt bek I deih a, I bantan pahpah hi.Lauhuai mahmah din mun ah I tung ta hi. Haksatna cih thu tezong ki za nuam nawn lo a, Topa in ong hau sak ding, cih te bekzaak nop I sat a hi. Tua hauhna I tun na ding, upna tawhhaksatna ze-etna te tuah loh apha mawh lam ki thei kha lo hi.
Bang bang hi ta leh athuak zo te in, atawpna ah, picin na, gual zawhna ngah in, anun takna ah, pauban na om nawn lo cihna a ngah ding uh hi. Tua hun ciangin, ‘’mipil pa’’ cih na kingah pan ding hi. Bang hang hiam cih leh, huih lehguah in ongnawk khak hang in, bangmah in, ong heh sak zo nawn lo, bang mah in, ong khasiasak zo lo, bang mah in, ong lungkia sak zonawn lo cihna a hihi.
Sehnel tung a, inn lam pa’ in, a inn zo baih in, tua inn pen huih pi leh guah pi a ki nuai masiah in, hoih mahmah a, et lawmmahmah hi. Tua inn leh Kua te ki tehkaak thei ding hiam?Tapidaw pawl khat te in,biak inn pai zong hahkat, makai zongsem, evangelist zong sem in, sumpi pia in, kua mah in aheh sakkei leh heh vet lo te a hi hi.
Huih pi guah pi zong ong nung nai lo na pi thu neng no khat, lungkim loh na khat ah nuak in din khawl thei te pen zungnei lo te a hihi. A mau te pen sehnel tung a, inn lam pa, mi hai pa ki ci ding hi. Luke 8:13 sung ah, zungkha te in nisa thuak zolo cihi. Nang hih nam te sung ah, na ki hel kha hiam?
James 4: in, vantung pan a, ong pai pilna in,siangtho, kilemna deih, thu khinkhai thei, thuman’na nei, hehpih na tawh ki dim and gah hoih gah, deidanna omlo and sincere , ci hi.Hih teng pen pi cing te gah te a hihi.
Thuakzawhna, ahih kei leh thuak keeikaai na I cih in, thukhat pan in cihtakna (faithfulness) ahihi. Ka thungetna inn vuahpawlpi mi te in, ka khualzin ki pat vua ki pan ong ki tai san ziahziah a, khawlmai ding maw, bang cih ding ci in, lung kham in ka om lai tak un, bang bang hi ta leh mi te a ut nawn kei leh zong, hih khua leh tui a ding thungen mah in, ki om suak hen la, a hunhun in, khual ki zin leh cih ka khen sat uh ciang in, ka van uh ong zaang a, ka mi uh tawh ki tuak lo in, ka biak inn sap teuh ki pia zo den a, ka inn kuan nuntak na ding uh zong Topa ongsik ahih na a khut ma te ka mu uh hi. Tua ciang in, Topa kammalsung ah, “a citak mi te tung ah ka cihtak na ka lak hi ‘’a cih nathu ong phawk sak hi.
Tua a hih man in sanggam aw, nang in, thuakzawh lohnading haksatna bang neina hiam? Haksatna cih te pen i picin nading hi a, atawp dong in thuak zo le hang, a tawpna ah, na khainn lam na zo siang ding hi. Tua hun ciang in, a gual zo pen nahi ding hi. I nuntaakna gen bang nawn lo, picin na ah i tung to ta ding a, Zeisu in, mipil pa a cih pen na hi ta ding hi. Bang daninn na lam nuam hiam? Dim Lun Zam (Smzamnu)
Comment piaknop aomleh...