Lia Lun Deih Cing phawkna ZIS ah keinei ding

Lia Lun Deih Cing phawkna ZIS ah keinei ding

Dear Zomi u leh nau: Gel kholhna a hih loh hang in lamet lohpih in i sanggam Lia Lun Deih Cing hong nusiatna hang in a dah a kap innkuanpih te a ding thunget sakna leh ama vai om laite a ding in thungetna leh phawkna Zomi Innkuan (Singapore) in Khuado kikhop hun sung in ki bawl ding hi.

Tuni mah in a lung himawhpih leh a pianuam te a ding in galna zong kidong ding hi.

A luanghawm a kikem hi in ei tawh hong om theih loh hang in, Lia Lun Deih Cing phawkna Christian Fellowship in zong nei ding cih thu zong i zaksa hi a, ZIS in zong tua bang mah in a kinei ding a hihi.

Zomi Innkuan (Singapore)

Singapore pan Lia Brigit Lun Deih Cing in hong nusia

Dear Zomi u leh nau, Singapore gam ah nuntakna zong a om in na a sem ahi Lia Lun Deih Cing in lamet om lopi in hong nusia cih thu kiza in ki dah mahmah hi.

Lia Lun Deih Cing @ Nuboih pen Champhai a om Pa Awn Khan Gin leh Nu Ciin Go Cing te tanu hi in Singapore ah 2017 kum in hong pai a hihi.

Ama vai tawh kisai in a nuai a bang a hihi:

1) Tu nitak (12/10/2018) in Mizo Christin Fellowship te a ma omna inn mahmah a en dingin va pai ding uh hi.

2) A luang pen zato ah kikoih in nipi khuavak lamteh ki la khia thei ding.

3) Nipi khuavak ni India Embassy in India a ciahpih theihna ding lai vai tuamtuam bawlsak ding

4) MCF te makaihna tawh amah phawkna hunkhat tu nipi ni kibawl ding.

5) India lam puak ding a lem hunhun in a Agent te in zato pan la dingin vanleng tung dong tun ding.

6) Singapore pan Culcatta pua ding. Culcatta pan Mizo khangno kipawlnate na dawn ding.

7) Culcatta pan Aizawl van leng pua ding. Aizawl pan Tonsim ki pua ding.

Lia Lun Deih Cing vai khempeuh hong hawmsak pen a ma kihelna a hi Mizo Christian Fellowship te hi a, a mau tung ah i lungdam hi.

A dah a kap a innkuanpih u leh nau te tung i biak Pasian ki hehnep zawhna tha hong guan hen.

No tawh a dah khawm,
Zomi Innkuan (Singapore)

Singapore pan Zolia khat in hong sihsan

Dahpihna

• Amin: Lia Lun Deih Cing
• Apa: Awn Khan Gin
• Anu: Ciin Do Cing
• Khualui: Fartang
• Ateenna: Champhai
• Ani: 12/10/2018
• Asihna: Singapore
• Anasep: Chinese Company

Nashville, TN aa om Pa Zomiese Piang i a nau zong ahi hi.

Singapore ah Sen Company khat ah nasem aom a tunga i sanggaamnu pen aomna inn tung pan kiasuk in a nuntakna hong beisan cih thu kiza ahih manin a innkuanpihte tawh kibangin i dah mahmah hi.

A luanghawm pen inn lam puakik ding maw, puakik lo ding cih pen kitel nailo ci hi. Mi gam mi lei ah nuntak haksatna hangin nuntak beilawh liangin sum le pai azong Malaysia leh Singapore ah tampi kiom ta hi. Kaptuang Guite