Iran gamsungah Passenger pua vanlengkhat kia, asungah atuang mi 66 avek un si

Iran gamsungah Passenger pua vanlengkhat kia, asungah atuang mi 66 avek un si

Tuni Sunday ni in Iran gam te ii vanlengkhat kia ahih manin mi 66 in sihlawh cih Reuters pan kiza hi. Hih Iran vanleng akiapen Passenger Flight khat kici a, vanleng sungah Passenger leh Crew akigawm in mi 66 atuang uh hi a, avek un sikhinding hi ci’n Airline Spokesman khatin genkhia hi.

Hih vanleng anei pen Iranian carrier Aseman Airlines te hi a, Semirom Town geinai ah khuahun siatluatna “Bad weather” hangin mualkuamsung khatah akia ahihi.

Hih vanleng pen Iran gamsungbuk kikawmna “Domestic Flight” khat hi a, Tehran’s Mehrabad Airport panin alengkhia hi ci’n Emergency Servic es Spokesman Jojtaba Khaledi in genkhia hi.

Mehrabad Airport panin Yasuj City zuanin alen laitak in atuahsia hi a, vanleng sungah Passenger bekbek mi 60 leh vanleng nasem Crew mi 6, akigawm in mi 66 kihel uh cihi. Kamsiatna tawh vanleng sungah atuang mi 66 te’n avek un hong sihsankhin uhhi ci’n Aseman spokesman Mohammad Taqi Tabatabai in State Television ah genkhia hi.

Tua vanleng akiatna munsan pen mualkuamlak hi a, meei sahlua mahmah “heavy fog” ahih manin, ahuhding in Rescue Helicopter tezong aphual ah lengtheilo uh cihi. Tua ahih manin Emergency Workers te’n tua vanleng akiatna mualkuam sungteng ah khetawh pai ngiatngiat in azongding in kuankhia uh cihi.

Khetawh akuantezong vuuk tamlua mahmah sawnsawn ahih manin, vanleng akiatna aphual taktak atuntheih nadingpen hamsa mahmah hi ci’n Rescue Teams tetawh akithuah Television Reporter te’n State Television ah genkhia uhhi.

Hih akia vanleng pen Twin-engined Turboprop ATR 72 hi a, Mehrabad Airport panin alenkhiat khitzawh Minute 50 khitciangin Radar Screen panin mangthangcip cihi.

Supreme Leader Ayatollah Ali Khamenei leh President Hassan Rouhani te’nzong hih vanleng kiatna hangin asi te dahpihna Condolences Message khahkhia uhhi. Tuaban ah Transport Minister kiangah hih vanleng kiatna ahang hoihtak kankhiatding in thupiakhin hi.

Mehrabad Airport pen Western Tehran ah aom hi a, adiakdiak in gamsung kikawmna vanlengtual Domestic Airport in akizatzawk hangin, gampua tawh kikawmna International Airport inzong khatveivei akizangthei veve ahihi.

Iran gamsung ah abeisa kumte ahzong vanlengkia cihpen omthei zelzel, kizathei zelzel hi. U.S. kumpi inzong hih Iran gamtepen nitumna West gamte panin vanlengthak leh vanleng vanzat Spare Parts te zuaklohding in Sanctions sawtpipek in apiak ahihi.

Hih akia vanleng ART penzong kum 25 apakhin khat hi ci’n Officials te’n genkhia uhhi.

More: Istanbul Airport ah vanleng kia in tumnih kisuahliang, asi omlo in lamdang kisa

Iran gamsung ah vanleng tuahsiatna ahuaisia penpen ahihleh 2003 kum tuahsiatna ahihi. Tuakum in Iran gamte ii galvanleng Iranian Ilyushin-76 Troop Carrier vanlengkhat Southeast Iran ah kiasuk in, tua vanleng sungah atuang galkap Revolutionary Guard Soldiers leh Crew akigawm in mi 276 takin sihlawh uhhi. Sawltak #zomidaily