Aki zattheihna mun tampi om ~ Job Cinpi
Lim sunga na muh bangin van khatpeuh na lei ciangin a sungah na mu kha zel ding hi. Mi pawlkhat in a kizatna a hang thei lo uh a, zat nading dang thei loin ninbung sungah pai zoau thei uh hi. Pawlkhatte in nektheih lah hi lo cih thei sam uh hi. Ahi zongin mi pawlkhat in nekkha le’ng sih theihna hi, ci-in lau ngaihsut uh hi. Nek dinga kibawl hi lo ahih manin nek loh ding mah hi pah hi. A diakin muh peuhpeuh a ne thei naupangte muhna le khoih theih nading munah koih kei le’ng hoih ding hi.
Hih lim sunga na kitunte pen moh sung, khedap thak sung le van pawlkhatte sungah kimu thei hi. Hihte na muh ciangin ninbung sungah pai pahpah kei zaw in. Na zat nading a hoihna mun tampi om hi. Hihte pen a sungah Silica Gel Bags a kici a tangno teltal pawlkhat om ding hi. Tua a tangno teltalte pen a kizattheihna mun tampi om hi. A sung-ate cih hangin balkhiat lakkhiat kul tuan se lo hi. A kitunsa mah bangin zat ding hi lel hi. Hihte pen na a keusak thei nam khat ahi hi.
A kizattheihna hi bang ahi hi.
1. Na vanzatte, sungah kiguang thei hi. Gentehna, numeite adingin kizep kipuahna bawm, bung, cihte ah kikoih thei hi. Hih na koihna hangin na vanbawm sung a nel lo dinga keu den pah ding hi. Ap-kai, cihte on lo dinga natna lungnote zong dal zo uh hi. Gim namsia zong phatuamsak hi.
2. Tui sungah phone kiasak kha cihte zong hihte tampitak na neih leh antang sunga diah sangin hoih zaw lai hi. Tampi naneih ding kisam beka tampi na neih leh ip sungah na phone tawh koih kawm in. Na phone sung a nel khempeuh keusak kik ding hi.
3. Innkuan maante le khanglui man cihte na hon koih gawp manin khat le khat kimat uh a, a Colour te kok gawp ding hi. A hang pen a nel tawh a kisuk khak man ahi hi. Tua bang a pian loh nadingin na maan koihna bawm sungah zong kikoih thei hi. Pawlkhat in maan bawm nei lo uh a, khat le khat thuap-in plastic khat sungah guangkhawm thei uh hi. Tua bangte sungah zong kikoih thei hi. A nel khempeuh hup uh a, keusak uh hi.
4. Mawtaw sung lam a maibuk maan nuai ah zong kikoih thei hi. Guah zu, vuk kiat hun ciang mawtaw man a sung lam nelsak lo hi.
5. Manzaihna na puak ciangin a bawm sungah zong na koih thei hi. Na manzaihna nel loin keu den ding hi.
6. Khamul kiatna na zat ciangin sawt a kizat theih nadingin milkiatna na koihna muhah na koih thei hi.
7. Khual na zinkei zongin na vankoihna Bag te sungah na koih leh a gim namsia nawnlo tuam ding hi.
8. Kham le ngun na koihna ah zong kikoih thei hi. A nel khempeuh hup ahih manin na kham na ngunte a mel kidangsak lo tuam ding hi.
9. Tuh ding khaici na koihna ah zong kikoih thei hi.
10. Laidal deihtakte koihna ah zong na koih thei hi.
11. Sawtpi na nek ding zatangte na koihna, aasi na koihna bungte sungah zong kikoih thei hi.
Na koih koihna munah a ip tawh koih inla balkek kei in. Lungdam, Job Cinpi (Zomi Laisim Nuamte)
Comment piaknop aomleh...