Singapore gamsung ah inntek te bawlsiatna tawh hongnusia Nu Piang Ngaih Don vai tawh kisai Pu Hang Khan Lian leh Dr. Hau Za Cin te gencianna Video anuai ah ki ngaitheihi.
Nu Piang Ngaih Don vai tawh kisai Online panin upmawh tuamtuam kigen ngeingai a, pawlkhat bangin Singapore aom Zomi makai te na ngawn ki mawhsak pongmawk hi. Banghang in a Zomi pihkhat uh navanlo hiam, na thatsak hiam acibang omphialmawk hi. Khatveivei vaikhatpeuh aom ciangin athu ala bulkancianlopi in apau ekek omthei a, ahi zongin tuabang in apau ngamte thumuhna, thutheihna bangciang cih ki telpahlel cihdingzong hikik leuleu hi.
Hih Nu Piang Ngaih Don ii hong nutsiatna pen Singapore aom Zomi makai te tawh kisaina omhetlo a, asihna vai amautawh akisaikhak hetloh hangin asihciang kotawh kisaikei naci hetlozaw in nabuaipih mahmah uh cih ki muthei hi.
Hong thahlupsak te nuta ahi Prema S. Naraynasamy leh Gaiyathiri Murugayan te nuta zong hongtungding August 04 ni ciangin thukhenzum ah thusitna thuakkikding uhhi.
Anuai ah Pu Hang Khan Lian thugenna na ngai un, kician mahmah hi. Asi khensa vai hitaleh, Singapore ah innteeng (Domestic Worker) in nasemlaitak te ading ahi zongin, mailamah hong tunbeh khatheilaiding te ading ahi zong thuhoih thumanpha tampitak kihel hi.
Maban tampi omlai ahih manin, athu akician in atheilo mipi kampauna tawh hong thanem khahetkei un ci’n tha kong pianuam uhhi. Topa’n hih Nu Piang Ngaih Don vaitawh kisai agim, atawl, abuai khempeuh hong mawkkoihkei tapeuh henla, athupha akicingval liangin hong buaksuk tahen!
Lungdam, ZD Sawltak #zomidaily
Thangpi Naulak says
Falam Agent nu Mary zong mat-huai sa ingh