Lengtong Stage Show, Tedim ~ Lengtong Pauno

Lengtong Stage Show, Tedim ~ Lengtong Pauno

(…tuma kum 37 lai khawng hi) Naitau (နာဇီစင္) gei, Pu Zam Khua Gin te’ innmai,… Stage lamding, akhuamding (ေပပါဗံုး) bungpi, KhaiTung, Vuandok GzCin, Pa KkKapte’ bungpi teng zang, hiteng 3 innkawmlak a sing omteng zatsak, asualding Pa KkKap, KhaiTungte’ innka peekteng nawn. Anaai ciik’teekpan ong ennuam a honghuh 4/5 bang om sam. Stage lamh zota.

Hydro omma ameivakding Petromax 2/3 zangh. Soundbox leh Amp… zatding biakinn, pawlpi khempeuh pan kawm. Vocal ading horn (ကေတာ့) zang.Guiter tum nading battery 6/9/12 volt tampi zang. Zatkawmkawm’ a pawlkhat charching kawmlai. Khatvei bang soundbox kicinglo ai’hcianga Anlangh ah Thawnno soundbox khat U Go Lian in vala.

Show kipanta, On Kap in control hongsep sak. Keyboard kizang nailo, lasa peuhpeuhin Rhythm sai. Lead: Go Hau, Drum: Pau Thawn, Bass: Sua Mang.

Show manta, mi khempeuh ciahgaikhin. Pawi manta ai’hcianga zingsanga honghuh teng zong kimukha nawnlo. Biakinn tuamtuam a vankawm teng Pu Zam Khua Gin te’n seng. Music tum, lasateng mahin innka peekkawm’ teng, bungpi teng, zawhsiang mateng nawn ngeekngeek. Kei bek hat hilai, ka hehsuak haa. Biakinn vankawmteng azingciang thapaai a buaipihlai zen hi ung ei’.

Keibang Mizogam ka singtaang vaklai hi in, athaiciang gundung lamto nisa ah vangikpi pua a paikeeng’keengh. Ka lungsim sungah, zanhal nitak ka lasakin, khut kibeengh, khutkawi kitum, ki awngziahziah mah hiven maw!!!… ka ngaihsunkha hi. Tu a zah ciphotni.

Ka lungdam, Munkhai’pa

HOIH mangthang LENGTONG thu

Tedim ah Lengtong Hoih show kabawl’ bawllai uh’n, kumpi thuneite’ zumah phalna lai pen, kawllai tawh ngetkul ahihmanin, ko’ zattheih kawllai laikhetna (siktaw) pen TBA (Tedim Baptist Association) zuma siktawlai khetna ahi hi.

Kawllai a Lengtonghoih (လိန္သံုဟဲြ႔) kakhetding uh ciangin, hoih (ဟဲြ႔) acih nading ( ဲ”၊ေနာထိုးပစ္) laimalding asiktang nakia (omlo) ahihcianga, ahoih (ဟဲြ႔) phiatlelni in Lengtong (လိန္သံု) ciziau lelni, kacih uh pen, Lengtong cihbek a apaisuakkha hi. Ko’mau gitnatloh, cihtaklohna khat hi, cih hongki pulak hi ung.

Tua hunlai in, phalna ngetna (ပဲြမိန္႔) vai hong buaipihdenpen, Pa Kim (Vankim, Davidpa) hi. Lungdamna bel lungsimbek mah hilai hi. Ata atute Topa’n thupha hong piaksak tahen.

Ka lungdam, Munkhai’pa