Lungkia lo ~ Tdkhen

Lungkia lo ~ Tdkhen

Thomas Alva Edison a neu lai, kum 9 a phak lai-in a bil ngongin, sangah a nunggual lamah tu zaw lai hi. Ziakai lua lai ahihmanin a lawmte nangawn in kikholhpih dingin deih lo-in ciamnuihna peuhin a nei gawpgawp uh hi. A siate nangawn in nawngkai a sa uh hi.

Ahizongin a nu in pen lungkia lo-in a hoihna lamlam etsakin, sun-a sang sunga a om dante khawng a dong hiathiat zel hi.

Nikhatni in a siapipa in ziakai lua in laihilh haksa sa ahihmanin sang a kah nawnloh nading lai a pua sak hi. A nu in tua a tapa’ lai puak a muh ciangin khasiat mahmaha, a hithei bangin makaih a sawm teitei hi.

Tua bangin a nu’ makaihna nuai ah hong khangin, kum bangzah hiam khat Electict bulfb a sin pen lawhsam zel hi. Ahizongin lungkia lo-in a zom to veve hi. 700 vei bang lawhsam ta a, a lawmte khat in, “700 vei bang sinkhin-a lawhcing lo pen na khawl lel ding hi” a cihleh, “700 vei a lawhsam ka hikei a, ka lawhcin nadingin 700 a sinto ta ka hi hi” a cih san hi.

Tua mah bangin lungkia lo a, a sin tohtoh pen a 1000 veina teh hong lawhcingin leitungbup ah a ki zang zihziah ta hi. A sangkahpih a lawmte ahizongin, a siate leh a hawlkhia siapipa ahizongin, bangci ciangin om cih a kithei kei hi.

Ahizongin Thomas Alva Edison pen a sihni nangawnin America gambup in amah gal’na in electric switch minute khat sung bek a off nangawn a kibuai man mahmah hi. Tdkhen