USA te kumpi ding: Leitungbuppi lungsim a lawng Ukraine Kumpipa tungpan pilna

USA te kumpi ding: Leitungbuppi lungsim a lawng Ukraine Kumpipa tungpan pilna

Suahni: 25/01/1978 2019 pan Ukraine kumpi sem: Actor (Mintha), ciamnuih siam leh Ukraine politician ahi Zenlensky pen Kryvyi Rih khua om Soviet Jewish inn sungpan khangkhia hi. Nazis ten Judah te 6 million ki that te suan leh khak ahi hi. Kumpi ding in ki tel khit teh President Trump in USA sam a $400m tawh Ukraine huh hi.

Ukraine kumpi ding a ki teel ma in “Liga Smeha” (League of Laughter) kici TV program ah host ahi hi. 2006 Ukraine Dancing with the Stars ah gualzawhna ngah hi. Ahi zongin MOVIE khat ah mipi nasem (Servant of the people) ah Ukraine gam makaite golhguk cih ah president kineihna tavuan cih tawh movie bawlna ah minthang mahmah hi.

TV nasep nusia in Ukraine kumpi kiteelna ah hong ki hel leh mipi vote tawh kumpi hong ngah hi. Kumpi ding letmat thu ni-in a kampau khat in ” Na zum te vuah kei man(photo) na koih ken un. Na innkuan man(photo) te na khai in thu khat peuhpeuh na khensat ma -un tua innkuan man hoihtak na en un” ci hi.

Soviet hun lai phawkna ciap tehna lampi leh mun te Ukraine mi thupi te min tawh laih khia hi. Leitungbup galvan hoih pen leh galkap tam pen a nei khat ahi Russia in Ukraine gam buluh mawk hi. Russia galkap a sem laitak 1 million leh reserve 2 million nei hi. Ukraine ten 245000 bek nei hi.

Ukraine in vanlam dal nang kician neilo lai hi. Tua hi na pin hangsan tak in Ukraine kumpi pan “ka gam, kami, ka suahtak nang un hong buluh te ka do ding uh hi” ci mawk hi. USA ten gal hongtai in a cih ciangin, “Ka galdo nang van hong pia in kei a tai ding ka hi kei hi” ci hi.

Ukraine gambup leh leitungbup mipi lungsim sukha mahmah ingam 30 kim pan galvan huhna ki pia ziahziah hi. Ukraine galkap leh mipi te gam a ding ki pia ziahziah hi. Gam dang pan Ukraine huh ding in mimal 20,000 val pai khin ta hi.

Ukraine mipi ten thupi sa lua ahih mah in Kumpi David tawh na teh uh hi. Leitung mipil ten thupi salua in Winston Churchill (England kumpi) ahih kei leh John F. Kennedy (USA kumpi) tawh na teh uh hi.

Makai kician cih pen leitungbul sang minthang vangvang pan PhD buaih pan hong piangkhia hi masa khollo zaw hi. Gandhi, Nelson Mandella, Mother Therasa, Martin Luther King, etc te pen mipi haksat laitak galte lau huai mahmah ta leh a dinpih ngam, buluh, guta, zuau khem, vang leh min deih tualthat migilo te a do ngam te makai muanhuai taktak hi cih Ukraine kumpipa tungpan lesson la ciat ni.

USA kumpi hong sem leh leitungbup ah migilo gam tampi te ahi. Russia, China, Iran, North Korea cih te pan leitungbup hong kem zo mahmah ding cih tulai tak ki muang penpen hi. Ukraine Kumpipa Volodymyr Zelensky pen Ukraine te HEROES hi cih Time Magazine ah Simon Shuster in suaksak hi.

A Zi leh ta teng inn neiilo bang in bucip in a mah zong a kumpi tokhom zumpi nusia in leisung hawm khawng ah giak kawikdawi hi. Russia kumpi ten a that ding galhang mi 450 tawh nisim in zong den hi. Tuadan minam pawlpi makai bel khauhpai sa mahmah ing.

Zeisu zong mi zawng leh mi genthei teng panpih din pih in sihna thuak hi. Mimal hauhnang nopsaknang leh minthan nang teng nusia Zeisu nungzuih pen lam haksa hi mah leh zui teitei ni! Lamdawt tawn kei ni! Lungdam, Muan Thang