Malaysia, Cheras vengsung aom Night Club ah thau kikapna piang

Malaysia, Cheras vengsung aom Night Club ah thau kikapna piang

Malaysia, Cheras vengsung aom Entertainment Outlet khatah thau kikapna piangleuleu cih theStar pan kiza hi. Cheras, Taman Maluri vengsung aom Night Club khatah zanni Friday nitaklam in thupiang hi a, Night Club ii amailam panin aki kapgawp kici hi.

Hih thau kikapan hangin asi aliam kuamah omlosam a, hihbangdan in Night Club thautawh akikappen Kuala Lumpur huamsung ah akihallo in nihvei apianna hita hi. Nungdiak mahmah June 24 ni inzong Bukit Bintang vengsung aom Night Club khat ii amailam panin thautawh tamveipi kikap a, ahi zongin asi aliam kuamah omlo hi.

Zanni Cheras vengsung thautawh kikapna vaitawh kisai in Kuala Lumpur police chief Comm Datuk Seri Mazlan Lazim in agenkhiatna ah thautanghawng “Bullet Casing” bekbek akigawm in 26 bang ki mukhia cihi. Friday nitaklam 9:30pm hunpawl in thupiang hi a, akimukhia Bullet tepen 5.56mm Calibre thautang namte ahihi.

Police te’n tua thaukikapna ageinai aom CCTV Footage teng hoihtak Checking bawl uh a, tuavengsung ah amukha azakha Witness tezong kaikhawm in, hih gitloh gamtatna ah akihelte kankhiattheih nadingin ahanciam mahmah laitak uh ahihi.

Video: Seven shots were fired from an M16 rifle by an unknown assailant near Restoran Yasin, in the vicinity of the Cheras police headquarters in Taman Maluri 1 here, last night. The target of the 9.30pm shooting is unclear, and the motive is still being determined by police. No injuries were reported in the incident, but a window at a nearby hostel was shattered by one of the bullets.

Tuabang ah hih Cheras vengsung thau kikapna leh abeisa Bukit Bintang vengsung thaukikapna te kizopna aomkhahiam cihzong hoihtak aki kanciansan laitak ahihi.

Hihvai pen tulaitak “Section 307 of the Penal Code for attempted murder and Section 39 of the Arms Act” thukhun tawh kizui in thukibawl a, Police Chief inzong hihvai ah akihelkha, atheikha Information khatpeuh atheikha te’n amanlangin Kuala Lumpur Police Operations Center te ah hong zasakpah un ci’n genkhia hi.

More: Malaysia, Bukit Bintang vengsung aom Nightclub khat thautawh tamveipi kikapgawp

Hih thau akikap laitak in azakha khatin agenkhiatna ah amasa in mikhatpeuh in losan “Firework” alawn hidingin ka ngaihsun cihi. Thau akikap laitak in tuapa pen akisil hi a, aman ciangin a dakkhiatleh ama innpualam Wall tungah thautang ii apailetna avang kamu cihi.

Malaysia Forensics Unit te’n tua buaina apianna kuamsungteng umcihpah uh a, Investigation kipanpah uhhi. Sawltak #zomidaily