Singapore gammakaipi Lee Kuan Yew ii tupa (pasal) in pasal nei

Singapore gammakaipi Lee Kuan Yew ii tupa (pasal) in pasal nei

Lee Kuan Yew pen Singapore gam makaipipa hi a, ama hangin Singapore gampen gamthupi khat suak ahih manin leitung ah aminthang vangvangkhat ahihi. Lee Kuan Yew in tapa 2 leh tanu 1 nei a, atapa upapen in tulaitak Singapore gamsung ah Prime Minister asep laitak ahihi.

Lee Kuan Yew atupa ahi Li Huanwu in pasal nei cih thuthangkhat tulaitak Social Media ah ki thehzak hi. Li Huanwu pen Lee Kuan Yew ii atapa aneuzawpen Lee Hsien Yang ii ata ahihi.

Li Huanwu pen pasal himahleh zibang in aki thuahpihding “Soul Mate” dingin pasal khatmah teenpih cimawk hi. Photo sungah athasang zawpen Lee Kuan Yew ii tupa ahihi.

Tuabangin Lee Kuan Yew ii atupa in pasal aneihpen Friday ni in Instagram tungtawn in aki pulakkhia hi a, South Africa gamsung aom Cape Town ah akiteeng uh ahihi.

Apasal minpen Heng Yirui kici a, tuapa in ama Instagram tungah apulakkhiat ahihi. Tunu in kaki thuahpih Soul Mate dingtawh kakiteeng uhhi ci’n pulak khiamawk hi.

Tuaban ah amau lawmta ii Photo khatzong Pink Dot Singapore te tungah khaksawn uhhi. Pink Dot Singapore cihpen Singapore gamsung aom numei le numei, pasal le pasal cihbangin aomkhawm LGBT (lesbian, gay, bisexual and transgender) te kipawlna apanpih Non-profit Movement khat ahihi.

More: Same-sex Marriage (Neih kibang Kiteenna) & Homosexual Act (Neih kibang omkhopna)

South Africa gampen numei le numei, pasal le pasal cihbangin neihkibang kiteenkhuan apia Same-sex Marriages gamkhat ahihi. Asia gamsung ahzong neihkibang kiteenkhuan kumpi in phalna apiakpen Taiwan gam omkhin a, Asia gamsungah amasapen Same-sex Marriage phalna apia gam ahihi. Leitung gammakai, mipil misiam tata te sungpanin thulamdang tuamtuam hongki zakhiathei zelmawk hi. Zomi sungah neihkibang Same Sex Marriage bangzah aomkhinzen tammaw, atheite’n honggen kei un! Theihsese sangin theihlohmah ahoihzawk hun omthei hi 🙂 Sawltak #zomidaily