Indonesia gamsung aom Mount Sinabung meimual panin vutsa kiphitkhia ziahziah

Indonesia gamsung aom Mount Sinabung meimual panin vutsa kiphitkhia ziahziah

Indonesia gamsung Sumatra Island kici tuikulhtung aom meimual khatpanin tuni Monday ni in vutsa leh meikhu “Smoke and Ash” kiphitkhia ziahziah cih AFP pan kiza hi.

Tua meimual pen Mount Sinabung Volcano ahihi. Vandawn ah vutsa bekbek 7 km (4.4 mile) bang sangto in kiphitkhia ziahziah in, apuakkhap dingpen naimahmah “Highest Level” hita kici hi.

Tua ahih manin, hih Mount Sinabung Volcano tawh akinai kuamsung tengah vanleng te kidopding “Flight Warning” zong kigenkhia cihi. Hih Mount Sinabung Volcano omna munpen Indonesia gam ii khuapi ahi Jakarta City panin 1900 km (1181 mile) agamlatna ah aom ahihi.

Video: A volcano on Indonesia’s Sumatra island erupted sending a plume of thick ash five kilometres into the atmosphere

Australia, Darwin City aom hih meimualvai athei ahi “Bureau of Meteorology’s Volcanic Ash Advisory Centre (VACC)” te’nzong Monday ni in hih meimual panin vutsa akiphitkhia te Direction mun 3 ah kikhin hi ci’n Map lahcianna khahkhia uh cihi.

Indonesia kumpi thunei te’nzong hih meimual pen puakkhamdek khading in ummawhta uh ahih manin “Volcano Observatory Notice for Aviation (VONA)” te’nzong asangpenpen Warning ahi “Red” ah ciamtehta uhhi.

Hih Mount Sinabung Volcano pen Medan, Kualanamu International Airport tawhzong kinai mahmah a, 75 km (47 mile) bek akigamla ahihi. Regional Airport Authority makaikhat ahi Nur Isnin Istianto inzong Aceh Province sungaom Kutacane Airport zong hih meimual hangin ki khakcip sakkhin hi ci’n genkhia hi.

More: Philippines gamsung ah meimual puakkham, cimawh dongtuak mi 61,000 phakhin

Indonesia gamsung pen meimual “Volcano” tammahmah in, buainazong tampi piangsak hi. Nungdiak mahmah inzong Indonesia, Bali aom Mount Agung meimual pen puakkham a, mi tampi kihemkhia uhhi. Sawltak #zomidaily