Lauhhuai ~ Phone hoih mawk deih ken!!!

Phone hoihnono mikim in ki deih hi. Phone panin sumlutna a neih
ihihloh hangin ki neihnuam pong hi. Ahi zongin mawk deih huailo hi.
Phone vai theihuai pawl khat om hi.

Phone khat peuhpeuh na mansuah leh na masuah lam na ki theih bek in
phone dang tawh call lecin a mu ten na off thei hi. Phonecall lenlo
cihpen pia kiknuamlo cihna ahih manin koi cih ngah kik ding ki kumni.
Na phone na deih takpi leh phone dang panin Find iPhone,
Android,xFiLite kici pen freedownload pah in.

Na download khitteh iPhone a man suah na hihleh na Phone ID ( iCloud
ID) leh Password gelh suk in. Android phone ahihleh na gmail leh
password gelh in. Tua panin na phone na om na address na thei pah ding
hi. Na phone power ahon a ki pan adang peuhmah a koih theihloh dingin
ki kalhcip theilai-in phone number khat zong ki pia thei aa, tua na
piak pen hong call aa, na ngah kik mateng na phone sung en theilo
dingin ki bawl thei lai hi.

USA bang diakdiak ah mikhat peuh phone na muhleh pia kik sawm hamtang
zaw in. Na mawk deihna hangin pia nuam hetlo na hihleh Guta suak na
hih manin Thong sungah na om lel ding hi. Na suahtak hunhun ah Guta
mikhat in na Social ah hong ki ciamteh khalai ding hi.

Thumanna leh cihtakna icih Zomiten i zuihzuih thute kip takin lenden
ni. Nuntaak namtui tawh a nungta Zomi ihih mah nuamto zel ei.

Zomite hong Angvaan Pasian in thumanna leh cihtakna i ngawng ah hong
awksak denta hen. Lungdam.

Thawn Tuang
Nasville TN USA
June 28,2015
Ka laigelh tengteng>>www.zomi-angvaan.blogspot.com