Laisiangtho sunga Nute ~ Cing Ngaih Khawm

Laisiangtho sunga Nute ~ Cing Ngaih Khawm

A. A etteh huai lo Nute
1. Evua: Ci le sa deihna, cilphulnate kidek zo loin a pasal thuneihna nangawn a thupisim lote Evua tawh kibang hi (Pn.3:6).

2. Job’ zi: Piangthak napi haksatna a tuah ciang a phunphunte le Pasian na-ngawn a mawksakte Job’ zi tawh kibang hi (Job 2:9).

3. Lot’ zi: Nupi hi napi leitung nopsakna bek a lungngai dente Topa Zeisu in “Lot’ zi na lungngai un” ci hi (Pian.19:26, Lk.17:32).

4. Mikhal: Pasalte Pasian adingin a kipiak ding khaktanin nupa kal a om Zeisu nangawn a haza-te Mikhal tawh kibang hi (2Sam.6:16, 20-23).

5. Jezebel: Pasalte’ thuneihna suangin mi tungah a ngongtatte le na hoih lo sem dingin a pasal a hanthawnte Jezebel tawh kibang hi (1Kum.21:1-29).

6. Zeresh: Mi khatpeuh elna hangin siat nading zong a, pasalte a holhthwh den numeite Zeresh tawh kibang hi. (Est.5:9-14).

7. Herodias: I maanlohna, i diklohnate hilh ding a Pasian hong sawlte a lehdo nuamte Herodias tawh ki-bang hi (Mk.6:14-24).

B. A etteh huai Nute
1. Sarah: Pawlpi nasep kitangsam khem-peuh theician kei taleh pasalte’ na-sepna a hih theih zahin a huh a panpihte Sarah tawh kibang hi (Pian.12:1).

2. Rebekah: Kiteenna thukhun muanhuai tak zui-in a kemcingte Rebekah tawh kibang hi (Pn.24:27-60).

3. Ruth: Pasalte bek hi loin i pasalte’ inn- kuanpih khempeuh a ding a nu-mei hoihte Ruth tawh kibang hi (Ruth 4:15).

4. Hanah: Pianthak nading bek hi lo, khan tawntung Pasian’ nasem dingin tate a piakhiate Hanah tawh ki-bang hi (1Sam.1:9-10).

5. Abigail: Innkuan mawhna hoihlohna ah vaipuak la-in mawhpua ngam a, Pasian kiangah a thuum a taute Abigail tawh kibang hi (1Sam.24:25).

6. Maku’ nu Mazih: Innkuante Topa tawh kikholhkhop nadingin innte phal-tak zangsak a, Zeisu a innteksakte Maku’ nu Mazih tawh kibang hi (Mk14:12-16).

7. Betani khua Mazih: Topa maiah lungsim tamkhamin innkuan adingin a tui-suak, a manphapenpen nangawn Zeisu ading a piakhiate Bethani khua Mazih tawh kibang hi (Jn.12: 2-3).

8. Zeisu’ nu Mazih: A pahtakhuai mahmah a nuntakna le a kiniamkhiatna hangin Pasian pahtakna ngahin numei khempeuh lak pan pahtawi-na ngahnu cihna ngah hi. Ei Tapi-daw innkuan Nupiten Pasian deih bangin i omna hangin i taten thu- pha a ngah ding uh thupi hi. I gil sungah Topa Zeisu i paii hiam, lei-tung nate bek i paii zaw hiam? Sm Cing Ngaih Khawm