Article 261 vai Hot

Article 261 vai Hot

2008 Constitution Article 261 pen USDP party pan laih ding cih thu sungh uh hi. NLD in laih ding lam phalo in thu kitukalh hi.

Athu Omdan

Gam Kumpi in Chief Minister Direct in apiak vai hipen hi. Union a Ruling Party peuhpeuh CM ding cihna hipah hi. Tua hihman in Mualmi Party ten hih Article a kilaih kei leh cikmah in CM sem thei ngeilo cihna hi.

Laihleng Bangmetna Om Thei/ Bangsupna Omthei

261 laih leng, State ah a zo Party ten pawlzawn in Cabinet bawl thei ding hi.

Ahihhang in tulaitak ih Constitution ah galkap in 25% Me kuang luilo in nei kingkeng khin hi. Laih hi peuhmah leng Kawl Gamkapte CM suak thei cih muhsa ahi hi. Tua hang in zong USDP tungtawn in laihding vai hong genkhia uh hipah hi. NLD bomb tawh a kapna uh hipah hi.

Bangci Laih Leng Hoih Ding

261 pen laih in, Union Level a , azo peuhpeuh party in direct in CM pia thei kei leh step khatna ah hoih hi. A nihna ah 25% tawh hong ngak kingkeng Kawl Galkapten State Cabinet Form na ah vote nei kei leh hoih pen ding hi.

Tuabang in ih laihzawh kei leh laihlo in koihphot a hoih pen hi. 2008 Constitution sung a 25% aneite ih lak khiat zawh ciang laih hoih pen ding hi. Lungdam, Cin Lian Khai (Zogamkhaino)