Lai Siangtho leh Apocripha laibu te thu

Lai Siangtho leh Apocripha laibu te thu

Hebrew te LST pen bu 24 pha a, thuciam lui bu 39 tawh aki bang hi. Amau a pen ‘Tanakh’ kici hi. Samual bu nih pen bukhat suah uh a, Hosea pan Malachi bu 12 pen bukhat suah uh hi. ‘Tanakh’ bu tawpna pen Khangtangthu bu hi.

Apochripha bu 13 pen thuciam lui leh athak hun kikal (intertestament period) a ki at ahihi. RC in zong avek in azang khin uh hilo hi. Atunglam in thuciam lui tawh Apochripha bu tawh bukhat in aki nei khawm ngei hi a, ” The council of Trend” pan in aki khen khia ahihi.

+Jewish community te in Rom3:2 na ah akigelh vunatna angah mite in Pasian kiangpan kamsan nangah uh hi cih tel ahih man un tua Apocripha laibu pen Pasian kammal in sangzolo uh hi.

Taanglai Jew makai masa te ahi Philo leh Jehosephat te ahi zongin Pasian humop ahihloh lam nanial uh hi. Jew te in hih laibute aki at ma tham in Prophetic gifts Pasian hopih na te bei ta na ci uh hi.

Deadsea scroll akimuh khiat in, LST leh Apocripha bute, adang copy atuamtuam zong aki mu khia hi. Tuahun pek in RC ten Pasian humop hi kei ana cihsa uh ahihi.

Pawlpi pate in zong sanglo uh hi. Hebrew pan alek khia ahi aminthang scholar, Latin Vulgate bawlpa Jerome in zong nohsep lua in agawm khak uh hang Pasian humop hi lo hi ci in na sang hi.

1st century pan 4th dong Church Father te khat in zong sanglo uh hi (Origen, Cyril of Jerusalem, Athanasiua te), Sawltak te in zong sanglo uh ahih man in, tua thubu sung pan khatzong ki quote kik lo hi.

Zeisu in asanloh na:

Topa Zeisu in Luke 11:49_51 na ah Prophet sisan tawh a nuntakna uh apiakhia teng agen ciangin, Abel pen Zechariah dong na ci hi. A thu in ahih leh Shemai tapa Uriah zong Pasian min tawh kamsan na hanga sihna thuak atawpna pen hi a, Jeremiah 26:20_23 sung ah kimu thei hi. Ahangpen Hebrew LST pen i gensa mah bangin, Khangtangthu tawh honh khup ciang abu tawpna pen akhen tawpna ah Zechariah suang tawh akidenlupna thu anunung pen ahih man in Jeremiah pen alai ah hong om suak hi (2Chronicle 24:20_21).

Tua ahih man in Topa Zeisu in hih Apochripha bu agelh te kamsang in na ciamteh lo ahih na ki lang hi.

Heb 1:1_2 Taanglai pek a ki gen khol acih ciangin thuciam lui leh thak kikal a te ahih loh lam ki lang hi.

Amanlo thuhilhna

• Mitphial (Magic) zatding hanthotna Tobit 6:5_7
• Piakkhiatna tawh mawhmaisakna Tobit4:11;12:9
• Misisa te ading sumpiakkhiat ding Maccabees12:43_45

Lai at te in nalamdang bawlna tawh alaiat uh kipsakna omlo. Genkholh na om lo, tangtunna zobg om lo. Messiah hongpaiding leh thuman thutak genna om lo. Tua hun laitak in Israel mite sungah Pasian kiangpan kam asang khat zong aom kei uh hi ci in Maccabees 9:27; 14:41 ah ki at hi.

A hizongin hih labu i neih man in khialhna hilo. Jews te in tangthu bu ding in kem uh a devotional dingin zong izat hangin khiahna om lo ci hi. Ryan Turner i google ah at leh laiat dang tuam tuam pan gawmtuah in tomlak hi. Dim Lun Zam (Siama Zamnu)