Covid-19 Stimulus bill & Direct payment Update
Tu ni US Senate in $908 billion apha Stimulus bill package leh US Federal Government te ii spending bill ding tawh akigawm $2.3 trillion spending package pi votes 92-6 tawh pass khinta uh hi. Hih bill pen zani in House ah ki vote in aki pass khinsa ahi hi. Tuni in White House pan zong hih bill pen Pu Trump in zong letmat ka thu ding cih genkhia khin ta ahih manin mipi te tung hong piak ding $600 pen lamet om mahmah ta cih ding ahi hi.
US Treasury Secretary Steve Mnuchin in belh mipi te tung khak ding stimulus direct payment pen hong tung ding nipi 1-3 sung hong kikhak ta dingaa, abeisa CARE ACT aa akipia $1200 khak dan lian in hong kikhak ding hi ci hi. Direct deposit anei te amau Bank account tek ah direct in kithun sak pah dingaa, Check tawh akikhak te belh nipi 2 sung sau vei thei ding hi ci hi.
Huhna sum “Direct payment” kua teng in bangzah ngah ding:
1. 2019 Tax return bawlna ah Single tawh abawl te:
Nasepna pan kum khat sung $75,000 pan anuai siah ngah in Tax return ah “SINGLE” tawh abawl khat in $ 600 te ngah ding uh hi. $87000 angah single khat in $100 ta kidawk dingaa $ 500 ngah ding uh in kum khat $99000 angah te ciang kipia ding hi.
2. 2019 Tax return bawlna ah “Married filling jointly – Joint married” tawh tawh abawl te:
Na sepna pan kum khat sung $150,000 pan anuai siah ngah in Tax return bawlna ah “Joint married” tawh abawl nupa kop te in $1200 ngah ding uh hi. Kum 17 nuai siah Ta nei innkuan te in:
- – Ta khat nei ten – $1800
- – Ta nih nei ten – $ 2400
- – Ta thum nei ten – $ 3000
- – Ta li nei ten – $ 3600
- – Ta nga nei ten – $ 4200 ta ngah ding uh hi.
3. 2019 Tax return ah “Head of Household” tawh abawl te:
Nasepna pan kum khat sung $112,500 pan anuai siah ngah in Tax return ah “Head of Household” tawh abawl te in $600 ta ngah ding uh aa, kum 17 nuai siah anei Ta te khat ciang $600 ta kipia ding hi.
4. 2019 Tax return bawl lo (e.g. pension sang te) khat ciang $600 ta ngah ding uh aa, ahi zongin khat peuh peuh in Tax return bawlna ah “dependent” in aguan uh leh belh ngah nawnlo ding uh hi.
Hih direct payment pen Pu Trump in letmat athu khit zawh ciang nipi khat sung direct deposit leh check tawh kikhak pah dingaa, January kha kipat lam in kingah thei kha ding hi ci in Pu Mnuchin in genkhia hi. Abeisa hun aa akipiak dan mah in angah lo ten IRS website tung pai in form te zong fill-up toh toh kul ding dan ahi hi. Tua hi in hi vai tawh kisai update bawl toto lai ni. Covid-19 pandemic hun sung mipi te haksat hun lai tak hi dan in hong vaihawm khiat theih lungdam huai mahmah hi.
Update pawl to to zel ni. ** Hi vai tawh kisai zong LIVE khah ding hun geelna khat ki nei ding ahih manin LIVE tungah kimu tek ni… Ref: Washington Post Thomas On Sian Mung (Thomas Mung Guite) Washington D.C December 22, 2020 MOMNO Media & Museum
Comment piaknop aomleh...