Na tangek suakcil te nakhualna in zatep hong kidawm dihve lawm

Na tangek suakcil te nakhualna in zatep hong kidawm dihve lawm

Naungek tepen uliante sangin anak uh manlang zawtham hi. Naungek neusemsem, anak manlang semsem cihtheih ahihi. Tua hi a, huihlak ah akizel huihnin leh agimsia tepen naupang te tuapsung ah tungbaih mahmah hi.

Tua ahih manin, zatep nute pate in natate geinai ah za nateplohding uh thupi mahmah hi. Zatep khat aom ciangin tua zatep gimnam pen Pi 12 agamla bangpan in kiza, ki dikkhathei cimawk hi.

Naungekno te’n zatep gimsia adikkhak uhciang in atuap uh bawkthei hi. Atuap leh huihdikna Pipe sungteng siathei a, ngeklualai uh ahih manin natna lungno tezong lutbaihsak theihi.

Adiakdiak in naungek nausen te lauhuai phadiak hi. Adang uhzong bawkthei hi. Bil paninzong anai kaikhiathei hi.

Zateptep khinsa khat adingin Zatep kidek un cihziau pen agen abaih hangin akidekding te adingin baihhetlo khading hi.

Ahi zongin na tangvalcil (nungak pawlkhatzong atep omveve) akipan na khangno hunsungteng matlehzet in natep ngekngekdet hisam a, tu’n zi leh ta bang neita. Na tangek nakhualna in zatep hongkidek peuhmah tadihve lawm.

Zatep nakidekna hangin supna omhetloding aive. Zatep leinading in sum beinawnlo pahding. Na pumpi zong lungdamding bekthamlo cidamding hi.

Naluppih nazi zong lungdam dinga, hong namnamnuam zawlai dinghi. Na naseppih nalawm tezong hehvalval hetloding uhhi. Za tepkhit phitphet khitciangin Aircon sungah nonglutpen kithuaklah mahmah hi.

Na taneu geiah za natep ciangin natano in “ka pa’n zatep hong pantah baihsi e” hongci khading hi. Na zatep banglian in na tate’n agolciang za tepgawp leh naphaldiam? Na tate adingin ettehcing nahidiam?

Ulian te sangin naungek te anak manlangzaw ahih manin za kamkhat natepsim in na angah natawi natano in nangsang in zakhu tampi nadikzaw khaleh, na deihsak takpi hiam?

Zatep te gei ah akhu adikdik tezong atuap in thuaklah mahmah veve kici hi. Na zatep khugim pen naupang bekthaklo, uliansa te’nzong thuaklah mahmah uhhi.

Adiak in na tangek mahmah nakhualna in zatep kideksawm dihve lawm. Sawltak #zomidaily Ref: Child Health Myanmar